samundar

Jameel Malik

samundar

Jameel Malik

MORE BYJameel Malik

    mirā dil uchhaltā samundar

    mirā jazba-e-be-amāñ

    merā ek ek armāñ

    uchhalte samundar sadiyoñ purānī chaTTānoñ se Takrā ke yuuñ reza reza huā hai

    ki ghāyal samundar ke siine meñ mahshar bapā hai

    har ik mauj dard-āshnā hai

    har ik qatra-e-āb anmol hai gauhar-e-be-bahā hai

    maiñ hastī ke sāhil mab.hūt-o-hairāñ musāfir

    mire zard chehre pe jamtī huī ret

    merā saraktā huā jism

    sab nigāhoñ markaz banā hai

    magar koī aisā nahīñ

    koī bhī to nahīñ

    jo mirī munjamid gahrī jhīloñ se guzre

    mire dil ke qulzum meñ utre

    jahāñ har ik mauj dard-āshnā hai

    har ik qatra-e-āb anmol hai gauhar-e-be-bahā hai

    jahāñ ruuh tan se judā hai

    azal ke musāfir manzil abad hai baqā hai

    mera dil uchhalta samundar

    mera jazba-e-be-aman

    mera ek ek arman

    uchhalte samundar ki sadiyon purani chaTTanon se Takra ke yun reza reza hua hai

    ki ghayal samundar ke sine mein mahshar bapa hai

    har ek mauj dard-ashna hai

    har ek qatra-e-ab anmol hai gauhar-e-be-baha hai

    main hasti ke sahil ka mabhut-o-hairan musafir

    mere zard chehre pe jamti hui ret

    mera sarakta hua jism

    sab ki nigahon ka markaz bana hai

    magar koi aisa nahin

    koi bhi to nahin

    jo meri munjamid gahri jhilon se guzre

    mere dil ke qulzum mein utre

    jahan ki har ek mauj dard-ashna hai

    har ek qatra-e-ab anmol hai gauhar-e-be-baha hai

    jahan ruh tan se juda hai

    azal ke musafir ki manzil abad hai baqa hai

    Source:

    • Book : auraq salnama magazines (Pg. e-260 p-248)
    • Author : Wazir Agha,Arif Abdul Mateen
    • Publication : Daftar Mahnama Auraq Lahore (1967)
    • Edition : 1967
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY