shishon ka masiha koi nahin

Faiz Ahmad Faiz

shishon ka masiha koi nahin

Faiz Ahmad Faiz

MORE BY Faiz Ahmad Faiz

    motī ho ki shīsha jaam ki dur

    jo TuuT gayā so TuuT gayā

    kab ashkoñ se juḌ saktā hai

    jo TuuT gayā so chhūT gayā

    tum nāhaq TukḌe chun chun kar

    dāman meñ chhupā.e baiThe ho

    shīshoñ masīhā koī nahīñ

    kyā aas lagā.e baiThe ho

    shāyad ki inhīñ TukḌoñ meñ kahīñ

    vo sāġhar-e-dil hai jis meñ kabhī

    sad-nāz se utrā kartī thī

    sahbā-e-ġham-e-jānāñ parī

    phir duniyā vāloñ ne tum se

    ye sāġhar le kar phoḌ diyā

    jo mai thī bahā miTTī meñ

    mehmān shahpar toḌ diyā

    ye rañgīñ reze haiñ shāyad

    un shoḳh bilorīñ sapnoñ ke

    tum mast javānī meñ jin se

    ḳhalvat ko sajāyā karte the

    nādārī daftar bhuuk aur ġham

    un sapnoñ se Takrāte rahe

    be-rahm thā chaumukh pathrāo

    ye kāñch ke Dhāñche kyā karte

    shāyad in zarroñ meñ kahīñ

    motī hai tumhārī izzat

    vo jis se tumhāre ijz pe bhī

    shamshād-qadoñ ne rashk kiyā

    is maal dhun meñ phirte the

    tājir bhī bahut rahzan bhī ka.ī

    hai chor-nagar yaañ muflis

    gar jaan bachī to aan ga.ī

    ye sāġhar shīshe lāl-o-gohar

    sālim hoñ to qīmat paate haiñ

    yuuñ TukḌe TukḌe hoñ to faqat

    chubhte haiñ lahū rulvāte haiñ

    tum nāhaq shīshe chun chun kar

    dāman meñ chhupā.e baiThe ho

    shīshoñ masīhā koī nahīñ

    kyā aas lagā.e baiThe ho

    yādoñ ke girebānoñ ke rafū

    par dil guzar kab hotī hai

    ik baḳhiya udheḌā ek siyā

    yuuñ umr basar kab hotī hai

    is kār-gah-e-hastī meñ jahāñ

    ye sāġhar shīshe Dhalte haiñ

    har shai badal mil saktā hai

    sab dāman pur ho sakte haiñ

    jo haath baḌhe yāvar hai yahāñ

    jo aañkh uThe vo baḳhtāvar

    yaañ dhan-daulat ant nahīñ

    hoñ ghaat meñ Daaku laakh magar

    kab lūT-jhapaT se hastī

    dokāneñ ḳhālī hotī haiñ

    yaañ parbat-parbat hiire haiñ

    yaañ sāgar sāgar motī haiñ

    kuchh log haiñ jo is daulat par

    parde laTkāte phirte haiñ

    har parbat ko har sāgar ko

    nīlām chaḌhāte phirte haiñ

    kuchh vo bhī haiñ jo laḌ bhiḌ kar

    ye parde noch girāte haiñ

    hastī ke uThā.ī-gīroñ

    har chaal uljhā.e jaate haiñ

    in donoñ meñ ran paḌtā hai

    nit bastī-bastī nagar-nagar

    har baste ghar ke siine meñ

    har chaltī raah ke māthe par

    ye kālak bharte phirte haiñ

    vo jot jagāte rahte haiñ

    ye aag lagāte phirte haiñ

    vo aag bujhāte rahte haiñ

    sab sāġhar shīshe lāl-o-gohar

    is baazī meñ bad jaate haiñ

    uTTho sab ḳhālī hāthoñ ko

    is ran se bulāve aate haiñ

    moti ho ki shisha jam ki dur

    jo TuT gaya so TuT gaya

    kab ashkon se juD sakta hai

    jo TuT gaya so chhuT gaya

    tum nahaq TukDe chun chun kar

    daman mein chhupae baiThe ho

    shishon ka masiha koi nahin

    kya aas lagae baiThe ho

    shayad ki inhin TukDon mein kahin

    wo saghar-e-dil hai jis mein kabhi

    sad-naz se utra karti thi

    sahba-e-gham-e-jaanan ki pari

    phir duniya walon ne tum se

    ye saghar le kar phoD diya

    jo mai thi baha di miTTi mein

    mehman ka shahpar toD diya

    ye rangin reze hain shayad

    un shoKH bilorin sapnon ke

    tum mast jawani mein jin se

    KHalwat ko sajaya karte the

    nadari daftar bhuk aur gham

    un sapnon se Takraate rahe

    be-rahm tha chaumukh pathrao

    ye kanch ke Dhanche kya karte

    ya shayad in zarron mein kahin

    moti hai tumhaari izzat ka

    wo jis se tumhaare ijz pe bhi

    shamshad-qadon ne rashk kiya

    is mal ki dhun mein phirte the

    tajir bhi bahut rahzan bhi kai

    hai chor-nagar yan muflis ki

    gar jaan bachi to aan gai

    ye saghar shishe lal-o-gohar

    salim hon to qimat pate hain

    yun TukDe TukDe hon to faqat

    chubhte hain lahu rulwate hain

    tum nahaq shishe chun chun kar

    daman mein chhupae baiThe ho

    shishon ka masiha koi nahin

    kya aas lagae baiThe ho

    yaadon ke girebanon ke rafu

    par dil ki guzar kab hoti hai

    ek baKHiya udheDa ek siya

    yun umr basar kab hoti hai

    is kar-gah-e-hasti mein jahan

    ye saghar shishe Dhalte hain

    har shai ka badal mil sakta hai

    sab daman pur ho sakte hain

    jo hath baDhe yawar hai yahan

    jo aankh uThe wo baKHtawar

    yan dhan-daulat ka ant nahin

    hon ghat mein Daku lakh magar

    kab luT-jhapaT se hasti ki

    dokanen KHali hoti hain

    yan parbat-parbat hire hain

    yan sagar sagar moti hain

    kuchh log hain jo is daulat par

    parde laTkate phirte hain

    har parbat ko har sagar ko

    nilam chaDhate phirte hain

    kuchh wo bhi hain jo laD bhiD kar

    ye parde noch giraate hain

    hasti ke uThai-giron ki

    har chaal uljhae jate hain

    in donon mein ran paDta hai

    nit basti-basti nagar-nagar

    har baste ghar ke sine mein

    har chalti rah ke mathe par

    ye kalak bharte phirte hain

    wo jot jagate rahte hain

    ye aag lagate phirte hain

    wo aag bujhate rahte hain

    sab saghar shishe lal-o-gohar

    is bazi mein bad jate hain

    uTTho sab KHali hathon ko

    is ran se bulawe aate hain

    Videos
    This video is playing from YouTube

    Videos
    This video is playing from YouTube

    Multiple

    Multiple

    Faiz Ahmad Faiz

    Faiz Ahmad Faiz

    Unknown

    Unknown

    RECITATIONS

    Faiz Ahmad Faiz

    Faiz Ahmad Faiz

    Faiz Ahmad Faiz

    shishon ka masiha koi nahin Faiz Ahmad Faiz

    Source:

    • Book : Nuskha Hai Wafa (Pg. 166)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY