KHudaon se kah do

Kishwar Naheed

KHudaon se kah do

Kishwar Naheed

MORE BYKishwar Naheed

    jis din mujhe maut aa.e

    us din bārish vo jhaḌī lage

    jise thamnā na aatā ho

    log bārish aur āñsuoñ meñ

    tamīz na kar sakeñ

    jis din mujhe maut aa.e

    itne phuul zamīn par khileñ

    ki kisī aur chiiz par nazar na Thahr sake

    charāġhoñ laveñ diye chhoḌ kar

    mere saath saath chaleñ

    bāteñ kartī huī

    muskurātī huī

    jis din mujhe maut aa.e

    us din saare ghoñsloñ meñ

    saare parindoñ ke bachchoñ ke par nikal aa.eñ

    saarī sargoshiyāñ jal-tarañg lageñ

    aur saarī siskiyāñ nuqra.ī zamzame ban jaa.eñ

    jis din mujhe maut aa.e

    maut merī ik shart maan kar aa.e

    pahle jīte-jī mujh se mulāqāt kare

    mire ghar-āñgan meñ mere saath khele

    jiine matlab jaane

    phir apnī man-mānī kare

    jis din mujhe maut aa.e

    us din sūraj ġhurūb honā bhuul jaa.e

    ki raushnī ko mere saath dafn nahīñ honā chāhiye

    jis din mujhe maut aae

    us din barish ki wo jhaDi lage

    jise thamna na aata ho

    log barish aur aansuon mein

    tamiz na kar saken

    jis din mujhe maut aae

    itne phul zamin par khilen

    ki kisi aur chiz par nazar na Thahr sake

    charaghon ki lawen diye chhoD kar

    mere sath sath chalen

    baaten karti hui

    muskuraati hui

    jis din mujhe maut aae

    us din sare ghonslon mein

    sare parindon ke bachchon ke par nikal aaen

    sari sargoshiyan jal-tarang lagen

    aur sari siskiyan nuqrai zamzame ban jaen

    jis din mujhe maut aae

    maut meri ek shart man kar aae

    pahle jite-ji mujh se mulaqat kare

    mere ghar-angan mein mere sath khele

    jine ka matlab jaane

    phir apni man-mani kare

    jis din mujhe maut aae

    us din suraj ghurub hona bhul jae

    ki raushni ko mere sath dafn nahin hona chahiye

    Videos
    This video is playing from YouTube

    Videos
    This video is playing from YouTube

    Kishwar Naheed

    Kishwar Naheed

    RECITATIONS

    Kishwar Naheed

    Kishwar Naheed

    Kishwar Naheed

    KHudaon se kah do Kishwar Naheed

    Source:

    • Book : kulliyat dusht-e-qais main laila (Pg. 1213)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY