chand taron ka ban

Makhdoom Mohiuddin

chand taron ka ban

Makhdoom Mohiuddin

MORE BYMakhdoom Mohiuddin

    mom tarah jalte rahe ham shahīdoñ ke tan

    rāt-bhar jhilmilātī rahī sham-e-sub.h-e-vatan

    rāt-bhar jagmagātā rahā chāñd tāroñ ban

    tishnagī thī magar

    tishnagī meñ bhī sarshār the

    pyāsī āñkhoñ ke ḳhālī kaTore liye

    muntazir mard o zan

    mastiyāñ ḳhatm, mad-hoshiyāñ ḳhatm thīñ, ḳhatm thā bāñkpan

    raat ke jagmagāte dahakte badan

    sub.h-dam ek dīvār-e-ġham ban ga.e

    ḳhār-zār-e-alam ban ga.e

    raat shah-ragoñ uchhaltā lahū

    jū-e-ḳhūñ ban gayā

    kuchh imāmān-e-sad-makr-o-fan

    un sāñsoñ meñ af.ī phunkār thī

    un ke siine meñ nafrat kaalā dhuāñ

    ik kamīñ-gāh se

    pheñk kar apnī nok-e-zabāñ

    ḳhūn-e-nūr-e-sahar ga.e

    raat talchhateñ haiñ añdherā bhī hai

    sub.h kuchh ujālā bhī hai

    hamdamo!

    haath meñ haath do

    sū-e-manzil chalo

    manzileñ pyaar

    manzileñ daar

    kū-e-dildār manzileñ

    dosh par apnī apnī salībeñ uThā.e chalo

    mom ki tarah jalte rahe hum shahidon ke tan

    raat-bhar jhilmilati rahi sham-e-subh-e-watan

    raat-bhar jagmagata raha chand taron ka ban

    tishnagi thi magar

    tishnagi mein bhi sarshaar the

    pyasi aankhon ke KHali kaTore liye

    muntazir mard o zan

    mastiyan KHatm, mad-hoshiyan KHatm thin, KHatm tha bankpan

    raat ke jagmagate dahakte badan

    subh-dam ek diwar-e-gham ban gae

    KHar-zar-e-alam ban gae

    raat ki shah-ragon ka uchhalta lahu

    ju-e-KHun ban gaya

    kuchh imaman-e-sad-makr-o-fan

    un ki sanson mein afi ki phunkar thi

    un ke sine mein nafrat ka kala dhuan

    ek kamin-gah se

    phenk kar apni nok-e-zaban

    KHun-e-nur-e-sahar pi gae

    raat ki talchhaten hain andhera bhi hai

    subh ka kuchh ujala bhi hai

    hamdamo!

    hath mein hath do

    su-e-manzil chalo

    manzilen pyar ki

    manzilen dar ki

    ku-e-dildar ki manzilen

    dosh par apni apni saliben uThae chalo

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY