urdu

Iqbal Ashhar

urdu

Iqbal Ashhar

MORE BY Iqbal Ashhar

    urdu hai mirā naam maiñ 'ḳhusrav' pahelī

    maiñ 'mīr' hamrāz huuñ 'ġhālib' sahelī

    dakkan ke 'valī' ne mujhe godī meñ khelāyā

    'saudā' ke qasīdoñ ne mirā husn baḌhāyā

    hai 'mīr' azmat ki mujhe chalnā sikhāyā

    maiñ daaġh ke āñgan meñ khilī ban ke chamelī

    urdu hai mirā naam maiñ 'ḳhusrav' pahelī

    'ġhālib' ne bulandī safar mujh ko sikhāyā

    'hālī' ne muravvat sabaq yaad dilāyā

    'iqbāl' ne ā.īna-e-haq mujh ko dikhāyā

    'momin' ne sajā.ī mire ḳhvāboñ havelī

    urdu hai mirā naam maiñ 'ḳhusrav' pahelī

    hai 'zauq' azmat ki diye mujh ko sahāre

    'chakbast' ulfat ne mire ḳhvāb sañvāre

    'fānī' ne sajā.e mirī palkoñ pe sitāre

    'akbar' ne rachā.ī mirī be-rañg hathelī

    urdu hai mirā naam maiñ 'ḳhusrav' pahelī

    kyuuñ mujh ko banāte ho ta.assub nishāna

    maiñ ne to kabhī ḳhud ko musalmāñ nahīñ maanā

    dekhā thā kabhī maiñ ne bhī ḳhushiyoñ zamāna

    apne vatan meñ huuñ magar aaj akelī

    urdu hai mirā naam maiñ 'ḳhusrav' pahelī

    urdu hai mera nam main 'KHusraw' ki paheli

    main 'mir' ki hamraaz hun 'ghaalib' ki saheli

    dakkan ke 'wali' ne mujhe godi mein khelaya

    'sauda' ke qasidon ne mera husn baDhaya

    hai 'mir' ki azmat ki mujhe chalna sikhaya

    main dagh ke aangan mein khili ban ke chameli

    urdu hai mera nam main 'KHusraw' ki paheli

    'ghaalib' ne bulandi ka safar mujh ko sikhaya

    'haali' ne murawwat ka sabaq yaad dilaya

    'iqbaal' ne aaina-e-haq mujh ko dikhaya

    'momin' ne sajai mere KHwabon ki haweli

    urdu hai mera nam main 'KHusraw' ki paheli

    hai 'zauq' ki azmat ki diye mujh ko sahaare

    'chakbast' ki ulfat ne mere KHwab sanware

    'fani' ne sajae meri palkon pe sitare

    'akbar' ne rachai meri be-rang hatheli

    urdu hai mera nam main 'KHusraw' ki paheli

    kyun mujh ko banate ho tassub ka nishana

    main ne to kabhi KHud ko musalman nahin mana

    dekha tha kabhi main ne bhi KHushiyon ka zamana

    apne hi watan mein hun magar aaj akeli

    urdu hai mera nam main 'KHusraw' ki paheli

    Source:

    • Book: Rat Jage (Pg. 106)
    • Author: Iqbal Ashhar
    • Publication: Kitabi Duniya, Delhi (2010)
    • Edition: 2010

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY