wasiyyat

Muzaffar Hanfi

wasiyyat

Muzaffar Hanfi

MORE BY Muzaffar Hanfi

    INTERESTING FACT

    (شاد عارفی کی موت پر اپنے بیٹے کے لیے)

    guDDū beTe rote kyuuñ ho

    qissa sunñe ḳhvāhish hai

    achchhā apne aañsū poñchho

    lo ham ik qissa kahte haiñ

    iksaTh saal guzarte haiñ

    afġhānoñ ik bastī meñ laDDan-ḳhāñ ne janm liyā thā

    dāroġha ke beTe the vo naanā un ke maulānā the

    khātā-pītā ghar thā un

    laDDan-ḳhāñ achchhe bachche the bilkul vaise jaise tum ho

    un ke ghar vaale bhī un se utnī ulfat karte the jitnī ham tum se karte haiñ

    jab vo thoḌe baḌe hue to

    naanā un ko maktab meñ dāḳhil kar aa.e

    laDDan-ḳhāñ ne paḌhnā sīkhā

    likhnā sīkhā laḌnā sīkhā āḳhir vo afġhānī bhī the

    chaudah pañdrah barsoñ meñ laDDan-ḳhāñ ko ye be-fikrī raas na aa.ī

    naanā aur abbū donoñ ne laDDan-ḳhāñ se kaTTī kar

    marnā jiinā tum kyā samjho

    tab majbūran

    laDDan-ḳhāñ ne paḌhnā chhoḌā

    apne ghar se naanā joḌā

    Tuition karte lashTam-pashTam apne ghar ḳharch chalāte

    un ammāñ ko raaja se thoḌī pension miltī thī kaam kisī sūrat chal jaatā

    maañ ne un shādī kar

    lekin biivī ḳhush-qismat thī jis ne jald ka.ī kar

    guDDū beTe

    honī ho kar rahtī hai

    maktab meñ rah kar laDDan-ḳhāñ ġhazleñ kahnā siikh chuke the

    afġhānī hone ke naate logoñ se Darte bhī nahīñ the

    apnī ġhazloñ meñ nazmoñ meñ tīkhī tīkhī bāteñ kahte logoñ par phabtī kaste the

    apne hoñ ġhair sabhī par

    sach kahne meñ sach likhne meñ baak na karte ye to ek nasha hotā hai

    bas phir kyā thā apne ġhair sabhī un ke dushman ban baiThe

    Tuition chhūTe vī-menī vī-menī se munshī-gīrī

    dar dar bhaTke baaz na aa.e

    kaḌvī tīkhī ġhazleñ nazmeñ kah kah kar ambār lagāyā

    itne se bhī chal saktā thā

    lekin vo to rāja-jī par phabtī kas kar ammī pension le Duube

    bolo un kyā aTkī thī raaja jo kuchh bhī kartā thā laDDan-ḳhāñ se kyā matlab thā

    ammī bechārī is ġham meñ kuḌh kuḌh kar pardes sidhārīñ yuuñ samjho bas ruuTh ga.iiñ vo laDDan-ḳhāñ se

    lekin beTā marne meñ paise lagte haiñ laDDan-ḳhāñ ne ghar bhī bechā

    aage pīchhe koī nahīñ thā ab to laDDan-ḳhāñ khul-khele

    sachchī sachchī bāteñ kah kar kaḌvī tīkhī ġhazleñ likh kar zahr-ālūda nazmeñ paḌh kar

    ek sire se sab logoñ ko dushman-dar-dushman kar baiThe

    saarī duniyā dushman ho to laDDan-ḳhāñ bachte bhī kaise

    sab ne mil kar gherā Daalā

    aage dushman pīchhe dushman daa.eñ dushman baa.eñ dushman uupar dushman nīche dushman

    laDDan-ḳhāñ meñ aql nahīñ thī ab bhī chiknī-chupḌī bāteñ kar ke chupke se bach lete

    laDDan-ḳhāñ ne apnī ġhazleñ apnī nazmeñ saarī chīzeñ chhoḌ kar

    chupke se mar jaane ko behtar jaanā

    guDDū mere pyāre beTe

    mere raaj dulāre beTe

    dekho tum ġhazleñ mat kahnā

    beTe tum nazmeñ mat likhnā

    likhnā paḌ jaa.e to phir sach mat likhnā

    dekho beTā

    sach mat likhnā

    sach mat likhnā

    guDDu beTe rote kyun ho

    qissa sunne ki KHwahish hai

    achchha apne aansu ponchho

    lo hum ek qissa kahte hain

    iksaTh sal guzarte hain

    afghanon ki ek basti mein laDDan-KHan ne janm liya tha

    darogha ke beTe the wo nana un ke maulana the

    khata-pita ghar tha un ka

    laDDan-KHan achchhe bachche the bilkul waise jaise tum ho

    un ke ghar wale bhi un se utni hi ulfat karte the jitni hum tum se karte hain

    jab wo thoDe baDe hue to

    nana un ko maktab mein daKHil kar aae

    laDDan-KHan ne paDhna sikha

    likhna sikha laDna sikha aaKHir wo afghani bhi the

    chaudah pandrah barson hi mein laDDan-KHan ko ye be-fikri ras na aai

    nana aur abbu donon ne laDDan-KHan se kaTTi kar li

    marna jina tum kya samjho

    tab majburan

    laDDan-KHan ne paDhna chhoDa

    apne ghar se nana joDa

    Tuition karte lashTam-pashTam apne ghar ka KHarch chalate

    un ki amman ko raja se thoDi si pension milti thi kaam kisi surat chal jata

    man ne un ki shadi kar di

    lekin biwi KHush-qismat thi jis ne jald hi kai kar li

    guDDu beTe

    honi ho kar hi rahti hai

    maktab mein rah kar laDDan-KHan ghazlen kahna sikh chuke the

    afghani hone ke nate logon se Darte bhi nahin the

    apni ghazlon mein nazmon mein tikhi tikhi baaten kahte logon par phabti kaste the

    apne hon ya ghair sabhi par

    sach kahne mein sach likhne mein bak na karte ye to ek nasha hota hai

    bas phir kya tha apne ghair sabhi un ke dushman ban baiThe

    Tuition chhuTe wi-meni ki wi-meni se munshi-giri

    dar dar bhaTke baz na aae

    kaDwi tikhi ghazlen nazmen kah kah kar ambar lagaya

    itne se bhi chal sakta tha

    lekin wo to raja-ji par phabti kas kar ammi ki pension le Dube

    bolo un ki kya aTki thi raja jo kuchh bhi karta tha laDDan-KHan se kya matlab tha

    ammi bechaari is gham mein kuDh kuDh kar pardes sidhaarin yun samjho bas ruTh gain wo laDDan-KHan se

    lekin beTa marne mein paise lagte hain laDDan-KHan ne ghar bhi becha

    aage pichhe koi nahin tha ab to laDDan-KHan khul-khele

    sachchi sachchi baaten kah kar kaDwi tikhi ghazlen likh kar zahr-aluda nazmen paDh kar

    ek sire se sab logon ko dushman-dar-dushman kar baiThe

    sari duniya dushman ho to laDDan-KHan bachte bhi kaise

    sab ne mil kar ghera Dala

    aage dushman pichhe dushman daen dushman baen dushman upar dushman niche dushman

    laDDan-KHan mein aql nahin thi ab bhi chikni-chupDi baaten kar ke chupke se bach lete

    laDDan-KHan ne apni ghazlen apni nazmen sari chizen chhoD kar

    chupke se mar jaane hi ko behtar jaana

    guDDu mere pyare beTe

    mere raj dulare beTe

    dekho tum ghazlen mat kahna

    beTe tum nazmen mat likhna

    likhna hi paD jae to phir sach mat likhna

    dekho beTa

    sach mat likhna

    sach mat likhna

    Source:

    • Book : kamaan (Pg. 360)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY