sarfaroshī kī tamannā ab hamāre dil meñ hai

dekhnā hai zor kitnā bāzu-e-qātil meñ hai

sarfaroshi ki tamanna ab hamare dil mein hai

dekhna hai zor kitna bazu-e-qatil mein hai

dil se niklegī na mar kar bhī vatan kī ulfat

merī miTTī se bhī ḳhushbū-e-vafā aa.egī

dil se niklegi na mar kar bhi watan ki ulfat

meri miTTi se bhi KHushbu-e-wafa aaegi

saare jahāñ se achchhā hindostāñ hamārā

ham bulbuleñ haiñ is kī ye gulsitāñ hamārā

sare jahan se achchha hindostan hamara

hum bulbulen hain is ki ye gulsitan hamara

lahū vatan ke shahīdoñ kā rañg laayā hai

uchhal rahā hai zamāne meñ nām-e-āzādī

lahu watan ke shahidon ka rang laya hai

uchhal raha hai zamane mein nam-e-azadi

vatan ke jāñ-nisār haiñ vatan ke kaam ā.eñge

ham is zamīñ ko ek roz āsmāñ banā.eñge

watan ke jaan-nisar hain watan ke kaam aaenge

hum is zamin ko ek roz aasman banaenge

isī jagah isī din to huā thā ye elaan

añdhere haar ga.e zindabād hindostān

isi jagah isi din to hua tha ye elan

andhere haar gae zindabaad hindostan

miTTī kī mohabbat meñ ham āshufta-saroñ ne

vo qarz utāre haiñ ki vājib bhī nahīñ the

miTTi ki mohabbat mein hum aashufta-saron ne

wo qarz utare hain ki wajib bhi nahin the

vatan kī ḳhaak se mar kar bhī ham ko uns baaqī hai

mazā dāmān-e-mādar kā hai is miTTī ke dāman meñ

watan ki KHak se mar kar bhi hum ko uns baqi hai

maza daman-e-madar ka hai is miTTi ke daman mein

ye kah rahī hai ishāroñ meñ gardish-e-gardūñ

ki jald ham koī saḳht inqalāb dekheñge

ye kah rahi hai ishaaron mein gardish-e-gardun

ki jald hum koi saKHt inqalab dekhenge

vatan kī ḳhaak zarā eḌiyāñ ragaḌne de

mujhe yaqīn hai paanī yahīñ se niklegā

watan ki KHak zara eDiyan ragaDne de

mujhe yaqin hai pani yahin se niklega

diloñ meñ hubb-e-vatan hai agar to ek raho

nikhārnā ye chaman hai agar to ek raho

dilon mein hubb-e-watan hai agar to ek raho

nikhaarna ye chaman hai agar to ek raho

kahāñ haiñ aaj vo sham-e-vatan ke parvāne

bane haiñ aaj haqīqat unhīñ ke afsāne

kahan hain aaj wo sham-e-watan ke parwane

bane hain aaj haqiqat unhin ke afsane

us mulk kī sarhad ko koī chhū nahīñ saktā

jis mulk kī sarhad kī nigahbān haiñ āñkheñ

us mulk ki sarhad ko koi chhu nahin sakta

jis mulk ki sarhad ki nigahban hain aankhen

ham ḳhuun kī qisteñ to ka.ī de chuke lekin

ai ḳhāk-e-vatan qarz adā kyuuñ nahīñ hotā

hum KHun ki qisten to kai de chuke lekin

ai KHak-e-watan qarz ada kyun nahin hota

ai vatan jab bhī sar-e-dasht koī phuul khilā

dekh kar tere shahīdoñ kī nishānī royā

ai watan jab bhi sar-e-dasht koi phul khila

dekh kar tere shahidon ki nishani roya

phir dayār-e-hind ko ābād karne ke liye

jhuum kar uTTho vatan āzād karne ke liye

phir dayar-e-hind ko aabaad karne ke liye

jhum kar uTTho watan aazad karne ke liye

ham bhī tire beTe haiñ zarā dekh hameñ bhī

ai ḳhāk-e-vatan tujh se shikāyat nahīñ karte

hum bhi tere beTe hain zara dekh hamein bhi

ai KHak-e-watan tujh se shikayat nahin karte

vatan kī pāsbānī jān-o-īmāñ se bhī afzal hai

maiñ apne mulk kī ḳhātir kafan bhī saath rakhtā huuñ

watan ki pasbani jaan-o-iman se bhi afzal hai

main apne mulk ki KHatir kafan bhi sath rakhta hun

ham ahl-e-qafas tanhā bhī nahīñ har roz nasīm-e-sub.h-e-vatan

yādoñ se mo.attar aatī hai ashkoñ se munavvar jaatī hai

hum ahl-e-qafas tanha bhi nahin har roz nasim-e-subh-e-watan

yaadon se moattar aati hai ashkon se munawwar jati hai

ai ahl-e-vatan shām-o-sahar jāgte rahnā

aġhyār haiñ āmāda-e-shar jāgte rahnā

ai ahl-e-watan sham-o-sahar jagte rahna

aghyar hain aamada-e-shar jagte rahna

dukh meñ sukh meñ har hālat meñ bhārat dil kā sahārā hai

bhārat pyārā desh hamārā sab deshoñ se pyārā hai

dukh mein sukh mein har haalat mein bhaarat dil ka sahaara hai

bhaarat pyara desh hamara sab deshon se pyara hai

bhārat ke ai sapūto himmat dikhā.e jaao

duniyā ke dil pe apnā sikka biThā.e jaao

bhaarat ke ai saputo himmat dikhae jao

duniya ke dil pe apna sikka biThae jao

na hogā rā.egāñ ḳhūn-e-shahīdān-e-vatan hargiz

yahī surḳhī banegī ek din unvān-e-āzādī

na hoga raegan KHun-e-shahidan-e-watan hargiz

yahi surKHi banegi ek din unwan-e-azadi

ka.abe ko jaatā kis liye hindostāñ se maiñ

kis but meñ shahr-e-hind ke shān-e-ḳhudā na thī

kabe ko jata kis liye hindostan se main

kis but mein shahr-e-hind ke shan-e-KHuda na thi

ḳhuuñ shahīdān-e-vatan kā rañg lā kar hī rahā

aaj ye jannat-nishāñ hindostāñ āzād hai

KHun shahidan-e-watan ka rang la kar hi raha

aaj ye jannat-nishan hindostan aazad hai

hai mohabbat is vatan se apnī miTTī se hameñ

is liye apnā kareñge jān-o-tan qurbān ham

hai mohabbat is watan se apni miTTi se hamein

is liye apna karenge jaan-o-tan qurban hum

maiñ ne āñkhoñ meñ jalā rakhā hai āzādī kā tel

mat añdheroñ se Darā rakh ki maiñ jo huuñ so huuñ

main ne aankhon mein jala rakha hai aazadi ka tel

mat andheron se Dara rakh ki main jo hun so hun

be-zār haiñ jo jazba-e-hubb-ul-vatanī se

vo log kisī se bhī mohabbat nahīñ karte

be-zar hain jo jazba-e-hubb-ul-watani se

wo log kisi se bhi mohabbat nahin karte

vo hindī naujavāñ ya.anī alam-bardār-e-āzādī

vatan kī pāsbāñ vo teġh-e-jauhar-dār-e-āzādī

wo hindi naujawan yani alam-bardar-e-azadi

watan ki pasban wo tegh-e-jauhar-dar-e-azadi

ḳhudā ai kaash 'nāzish' jīte-jī vo vaqt bhī laa.e

ki jab hindostān kahlā.egā hindostān-e-āzādī

KHuda ai kash 'nazish' jite-ji wo waqt bhi lae

ki jab hindostan kahlaega hindostan-e-azadi

ai ḳhāk-e-vatan ab to vafāoñ kā silā de

maiñ TūTtī sāñsoñ kī fasīloñ pe khaḌā huuñ

ai KHak-e-watan ab to wafaon ka sila de

main TuTti sanson ki fasilon pe khaDa hun

kyā karishma hai mire jazba-e-āzādī kā

thī jo dīvār kabhī ab hai vo dar kī sūrat

kya karishma hai mere jazba-e-azadi ka

thi jo diwar kabhi ab hai wo dar ki surat

javāno nazr de do apne ḳhūn-e-dil kā har qatra

likhā jā.egā hindostān ko farmān-e-āzādī

jawano nazr de do apne KHun-e-dil ka har qatra

likha jaega hindostan ko farman-e-azadi

sar-ba-kaf hind ke jāñ-bāz-e-vatan laḌte haiñ

teġh-e-nau le saf-e-dushman meñ ghuse paḌte haiñ

sar-ba-kaf hind ke jaan-baz-e-watan laDte hain

tegh-e-nau le saf-e-dushman mein ghuse paDte hain

tan-man miTā.e jaao tum nām-e-qaumiyat par

rāh-e-vatan par apnī jāneñ laḌā.e jaao

tan-man miTae jao tum nam-e-qaumiyat par

rah-e-watan par apni jaanen laDae jao