Jashn-e-Azadi

Selected shayari to celebrate Independence Day

sarfaroshī tamannā ab hamāre dil meñ hai

dekhnā hai zor kitnā bāzu-e-qātil meñ hai

sarfaroshi ki tamanna ab hamare dil mein hai

dekhna hai zor kitna bazu-e-qatil mein hai

Bismil Azimabadi

saare jahāñ se achchhā hindostāñ hamārā

ham bulbuleñ haiñ is ye gulsitāñ hamārā

sare jahan se achchha hindostan hamara

hum bulbulen hain is ki ye gulsitan hamara

Allama Iqbal

dil se niklegī na mar kar bhī vatan ulfat

merī miTTī se bhī ḳhushbū-e-vafā aa.egī

dil se niklegi na mar kar bhi watan ki ulfat

meri miTTi se bhi KHushbu-e-wafa aaegi

Lal Chand Falak

ham amn chāhte haiñ magar zulm ke ḳhilāf

gar jañg lāzmī hai to phir jañg sahī

hum amn chahte hain magar zulm ke KHilaf

gar jang lazmi hai to phir jang hi sahi

Sahir Ludhianvi

lahū vatan ke shahīdoñ rañg laayā hai

uchhal rahā hai zamāne meñ nām-e-āzādī

lahu watan ke shahidon ka rang laya hai

uchhal raha hai zamane mein nam-e-azadi

Firaq Gorakhpuri

vatan ḳhaak zarā eḌiyāñ ragaḌne de

mujhe yaqīn hai paanī yahīñ se niklegā

watan ki KHak zara eDiyan ragaDne de

mujhe yaqin hai pani yahin se niklega

Unknown

vatan ḳhaak se mar kar bhī ham ko uns baaqī hai

mazā dāmān-e-mādar hai is miTTī ke dāman meñ

watan ki KHak se mar kar bhi hum ko uns baqi hai

maza daman-e-madar ka hai is miTTi ke daman mein

Chakbast Brij Narayan

isī jagah isī din to huā thā ye elaan

añdhere haar ga.e zindabād hindostān

isi jagah isi din to hua tha ye elan

andhere haar gae zindabaad hindostan

Javed Akhtar

ham ḳhuun qisteñ to ka.ī de chuke lekin

ai ḳhāk-e-vatan qarz adā kyuuñ nahīñ hotā

hum KHun ki qisten to kai de chuke lekin

ai KHak-e-watan qarz ada kyun nahin hota

Wali Aasi

us mulk sarhad ko koī chhū nahīñ saktā

jis mulk sarhad nigahbān haiñ āñkheñ

us mulk ki sarhad ko koi chhu nahin sakta

jis mulk ki sarhad ki nigahban hain aankhen

Unknown

diloñ meñ hubb-e-vatan hai agar to ek raho

nikhārnā ye chaman hai agar to ek raho

dilon mein hubb-e-watan hai agar to ek raho

nikhaarna ye chaman hai agar to ek raho

Jafar Malihabadi

vatan ke jāñ-nisār haiñ vatan ke kaam ā.eñge

ham is zamīñ ko ek roz āsmāñ banā.eñge

watan ke jaan-nisar hain watan ke kaam aaenge

hum is zamin ko ek roz aasman banaenge

Jafar Malihabadi

ḳhuuñ shahīdān-e-vatan rañg kar rahā

aaj ye jannat-nishāñ hindostāñ āzād hai

KHun shahidan-e-watan ka rang la kar hi raha

aaj ye jannat-nishan hindostan aazad hai

Ameen Saloni

na hogā rā.egāñ ḳhūn-e-shahīdān-e-vatan hargiz

yahī surḳhī banegī ek din unvān-e-āzādī

na hoga raegan KHun-e-shahidan-e-watan hargiz

yahi surKHi banegi ek din unwan-e-azadi

Nazish Partap Gadhi

miTTī mohabbat meñ ham āshufta-saroñ ne

vo qarz utāre haiñ ki vājib bhī nahīñ the

miTTi ki mohabbat mein hum aashufta-saron ne

wo qarz utare hain ki wajib bhi nahin the

Iftikhar Arif

dukh meñ sukh meñ har hālat meñ bhārat dil sahārā hai

bhārat pyārā desh hamārā sab deshoñ se pyārā hai

dukh mein sukh mein har haalat mein bhaarat dil ka sahaara hai

bhaarat pyara desh hamara sab deshon se pyara hai

Afsar Merathi

ham bhī tire beTe haiñ zarā dekh hameñ bhī

ai ḳhāk-e-vatan tujh se shikāyat nahīñ karte

hum bhi tere beTe hain zara dekh hamein bhi

ai KHak-e-watan tujh se shikayat nahin karte

Khursheed Akbar

bhārat ke ai sapūto himmat dikhā.e jaao

duniyā ke dil pe apnā sikka biThā.e jaao

bhaarat ke ai saputo himmat dikhae jao

duniya ke dil pe apna sikka biThae jao

Lal Chand Falak

ka.abe ko jaatā kis liye hindostāñ se maiñ

kis but meñ shahr-e-hind ke shān-e-ḳhudā na thī

kabe ko jata kis liye hindostan se main

kis but mein shahr-e-hind ke shan-e-KHuda na thi

Rind Lakhnavi

ḳhudā ai kaash 'nāzish' jīte-jī vo vaqt bhī laa.e

ki jab hindostān kahlā.egā hindostān-e-āzādī

KHuda ai kash 'nazish' jite-ji wo waqt bhi lae

ki jab hindostan kahlaega hindostan-e-azadi

Nazish Partap Gadhi

ham ahl-e-qafas tanhā bhī nahīñ har roz nasīm-e-sub.h-e-vatan

yādoñ se mo.attar aatī hai ashkoñ se munavvar jaatī hai

hum ahl-e-qafas tanha bhi nahin har roz nasim-e-subh-e-watan

yaadon se moattar aati hai ashkon se munawwar jati hai

Faiz Ahmad Faiz

phir dayār-e-hind ko ābād karne ke liye

jhuum kar uTTho vatan āzād karne ke liye

phir dayar-e-hind ko aabaad karne ke liye

jhum kar uTTho watan aazad karne ke liye

Altaf Mashhadi

javāno nazr de do apne ḳhūn-e-dil har qatra

likhā jā.egā hindostān ko farmān-e-āzādī

jawano nazr de do apne KHun-e-dil ka har qatra

likha jaega hindostan ko farman-e-azadi

Nazish Partap Gadhi

ye kah rahī hai ishāroñ meñ gardish-e-gardūñ

ki jald ham koī saḳht inqalāb dekheñge

ye kah rahi hai ishaaron mein gardish-e-gardun

ki jald hum koi saKHt inqalab dekhenge

Ahmaq Phaphoondvi

kahāñ haiñ aaj vo sham-e-vatan ke parvāne

bane haiñ aaj haqīqat unhīñ ke afsāne

kahan hain aaj wo sham-e-watan ke parwane

bane hain aaj haqiqat unhin ke afsane

Siraj Lakhnavi

ai ḳhāk-e-vatan ab to vafāoñ silā de

maiñ TūTtī sāñsoñ fasīloñ pe khaḌā huuñ

ai KHak-e-watan ab to wafaon ka sila de

main TuTti sanson ki fasilon pe khaDa hun

Javed Akram Farooqi

vatan pāsbānī jān-o-īmāñ se bhī afzal hai

maiñ apne mulk ḳhātir kafan bhī saath rakhtā huuñ

watan ki pasbani jaan-o-iman se bhi afzal hai

main apne mulk ki KHatir kafan bhi sath rakhta hun

Unknown

tan-man miTā.e jaao tum nām-e-qaumiyat par

rāh-e-vatan par apnī jāneñ laḌā.e jaao

tan-man miTae jao tum nam-e-qaumiyat par

rah-e-watan par apni jaanen laDae jao

Lal Chand Falak

be-zār haiñ jo jazba-e-hubb-ul-vatanī se

vo log kisī se bhī mohabbat nahīñ karte

be-zar hain jo jazba-e-hubb-ul-watani se

wo log kisi se bhi mohabbat nahin karte

Unknown

hai mohabbat is vatan se apnī miTTī se hameñ

is liye apnā kareñge jān-o-tan qurbān ham

hai mohabbat is watan se apni miTTi se hamein

is liye apna karenge jaan-o-tan qurban hum

Unknown

ai ahl-e-vatan shām-o-sahar jāgte rahnā

aġhyār haiñ āmāda-e-shar jāgte rahnā

ai ahl-e-watan sham-o-sahar jagte rahna

aghyar hain aamada-e-shar jagte rahna

Jafar Malihabadi

ai vatan jab bhī sar-e-dasht koī phuul khilā

dekh kar tere shahīdoñ nishānī royā

ai watan jab bhi sar-e-dasht koi phul khila

dekh kar tere shahidon ki nishani roya

Jafar Tahir

sar-ba-kaf hind ke jāñ-bāz-e-vatan laḌte haiñ

teġh-e-nau le saf-e-dushman meñ ghuse paḌte haiñ

sar-ba-kaf hind ke jaan-baz-e-watan laDte hain

tegh-e-nau le saf-e-dushman mein ghuse paDte hain

Barq Dehlvi

maiñ ne āñkhoñ meñ jalā rakhā hai āzādī tel

mat añdheroñ se Darā rakh ki maiñ jo huuñ so huuñ

main ne aankhon mein jala rakha hai aazadi ka tel

mat andheron se Dara rakh ki main jo hun so hun

Anees Ansari

vo hindī naujavāñ ya.anī alam-bardār-e-āzādī

vatan pāsbāñ vo teġh-e-jauhar-dār-e-āzādī

wo hindi naujawan yani alam-bardar-e-azadi

watan ki pasban wo tegh-e-jauhar-dar-e-azadi

Makhdoom Mohiuddin

kyā karishma hai mire jazba-e-āzādī

thī jo dīvār kabhī ab hai vo dar sūrat

kya karishma hai mere jazba-e-azadi ka

thi jo diwar kabhi ab hai wo dar ki surat

Akhtar Ansari Akbarabadi