jo āñkhoñ meñ phirtā hai phire āñkhoñ ke aage

āsān ḳhudā kar de ye dushvār mohabbat

jo aankhon mein phirta hai phire aankhon ke aage

aasan KHuda kar de ye dushwar mohabbat

jo tire sāmne aa.e haiñ so kam Thahre haiñ

ye hamārā hī kaleja hai ki ham Thahre haiñ

jo tere samne aae hain so kam Thahre hain

ye hamara hi kaleja hai ki hum Thahre hain

sajda jise kareñ haiñ vo har-sū hai jalva-gar

jīdhar tirā mizāj ho ūdhar namāz kar

sajda jise karen hain wo har-su hai jalwa-gar

jidhar tera mizaj ho udhar namaz kar

shart andāz hai agar aa.e

baat chhoTī ho yā baḌī muñh par

shart andaz hai agar aae

baat chhoTi ho ya baDi munh par

zāhid na rahne pā.eñge ābād mai-kade

jab tak na Dhā.iyegā tirī ḳhānqāh ko

zahid na rahne paenge aabaad mai-kade

jab tak na Dhaiyega teri KHanqah ko