falak par uḌte jaate bādaloñ ko dekhtā huuñ maiñ

havā kahtī hai mujh se ye tamāshā kaisā lagtā hai

falak par uDte jate baadalon ko dekhta hun main

hawa kahti hai mujh se ye tamasha kaisa lagta hai

ye qaid hai to rihā.ī bhī ab zarūrī hai

kisī bhī samt koī rāsta mile to sahī

ye qaid hai to rihai bhi ab zaruri hai

kisi bhi samt koi rasta mile to sahi

utre the maidān meñ sab kuchh Thiik kareñge

sab kuchh ulTā sīdhā kar ke baiTh ga.e haiñ

utre the maidan mein sab kuchh Thik karenge

sab kuchh ulTa sidha kar ke baiTh gae hain

din guzarte haiñ guzarte hī chale jaate haiñ

ek lamha jo kisī tarah guzartā hī nahīñ

din guzarte hain guzarte hi chale jate hain

ek lamha jo kisi tarah guzarta hi nahin

logoñ ne bahut chāhā apnā sā banā Dāleñ

par ham ne ki apne ko insān bahut rakkhā

logon ne bahut chaha apna sa bana Dalen

par hum ne ki apne ko insan bahut rakkha