us manzil-e-hayāt meñ ab gāmzan hai dil

'shiblī'! jahāñ kisī kī bhī āvāz-e-pā nahīñ

us manzil-e-hayat mein ab gamzan hai dil

'shibli'! jahan kisi ki bhi aawaz-e-pa nahin

gum rahoge kab tak apnī zaat hī meñ

zindagī se bhī kabhī āñkheñ milāo

gum rahoge kab tak apni zat hi mein

zindagi se bhi kabhi aankhen milao

ye kyā ki faqat apnī hī tasvīr banāo

ai naqsh-garo vus.at-e-fan kuchh to dikhāo

ye kya ki faqat apni hi taswir banao

ai naqsh-garo wusat-e-fan kuchh to dikhao

kyuuñ laġhzish-e-pā merī malāmat kā hadaf hai

jiine kā salīqa mujhe baḳhshā hai isī ne

kyun laghzish-e-pa meri malamat ka hadaf hai

jine ka saliqa mujhe baKHsha hai isi ne

karbalā to aaj bhī miltā hai har har gaam par

shahr meñ lekin husain-e-bā-vafā koī nahīñ

karbala to aaj bhi milta hai har har gam par

shahr mein lekin husain-e-ba-wafa koi nahin