Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Rasheed Hasrat's Photo'

Rasheed Hasrat

1962 | Quetta, Pakistan

Poet and Arooz Expert

Poet and Arooz Expert

Sher of Rasheed Hasrat

shikast khā kar bhī muskurānā hai merī fitrat

ki mujh pe sāya-fagan hamesha du'ā.eñ maañ kī

shikast kha kar bhi muskurana hai meri fitrat

ki mujh pe saya-fagan hamesha du'aen man ki

use ham ne samundar paar bhejā to kamāne ko

parā.e des meñ jaane hamārā laa'l kaisā hai

use hum ne samundar par bheja to kamane ko

parae des mein jaane hamara la'l kaisa hai

'rashīd' peḌ ke saa.e se sukh kī thī ummīd

ye kyā ki beTā bhī ghar meñ kamā.ī detā nahīñ

'rashid' peD ke sae se sukh ki thi ummid

ye kya ki beTa bhi ghar mein kamai deta nahin

sab yazīdoñ ne yahāñ mil kar kiyā hai faisla

karbalā tarsegā phir ik buuñd paanī ke liye

sab yazidon ne yahan mil kar kiya hai faisla

karbala tarsega phir ek bund pani ke liye

bhuuk āñkhoñ meñ namī ban ke chamak jaatī hai

bachche bhūke mire dahqān ke so jaate haiñ

bhuk aankhon mein nami ban ke chamak jati hai

bachche bhuke mere dahqan ke so jate hain

maiñ bhī tere bin guzāre vaqt ko bhūlā rahūñ

tū bhī apnī be-kalī kī dāstāñ mat kar bayāñ

main bhi tere bin guzare waqt ko bhula rahun

tu bhi apni be-kali ki dastan mat kar bayan

ye tai thā ham anā ke faisle se muñh na moḌeñge

rahī dastār qaa.em tan se lekin sar gayā āḳhir

ye tai tha hum ana ke faisle se munh na moDenge

rahi dastar qaem tan se lekin sar gaya aaKHir

bik rahā ho jab sar-e-bāzār logoñ kā zamīr

aise lamhe vaq'at-e-ahl-e-hunar dekhegā kaun

bik raha ho jab sar-e-bazar logon ka zamir

aise lamhe waq'at-e-ahl-e-hunar dekhega kaun

Recitation

Speak Now