bikharte ḳhvāboñ se ta.abīr ke dhuñdlakoñ tak

muhājrat ne kachoke bahut lagā.e haiñ

bikharte KHwabon se tabir ke dhundlakon tak

muhajrat ne kachoke bahut lagae hain

jis tanāzur meñ bhī dekho ḳhush-jamāloñ ko 'ḳhalish'

zāviya bigḌā nazar kā saare bigḌe zāviye

jis tanazur mein bhi dekho KHush-jamalon ko 'KHalish'

zawiya bigDa nazar ka sare bigDe zawiye

vaise to dekhne meñ jāzib-nazar haiñ naqshe

kuchh to 'ḳhalish' kamī hai ūñchī 'imāratoñ meñ

waise to dekhne mein jazib-nazar hain naqshe

kuchh to 'KHalish' kami hai unchi 'imaraton mein

zaḳhmoñ ko phuul kar de tanhā.iyoñ ko marham

sau qurbatoñ pe bhārī hijrat kā ek mausam

zaKHmon ko phul kar de tanhaiyon ko marham

sau qurbaton pe bhaari hijrat ka ek mausam

utro ḳhud apnī zaat kī gahrā.ī meñ 'ḳhalish'

ubhre jo apne-āp ko paane kī aarzū

utro KHud apni zat ki gahrai mein 'KHalish'

ubhre jo apne-ap ko pane ki aarzu

ġham kī dhuup utarte hī kyuuñ pighalne lagtī hai

yaad ke gharauñde meñ mom kī banī khiḌkī

gham ki dhup utarte hi kyun pighalne lagti hai

yaad ke gharaunde mein mom ki bani khiDki

jazb kar ke rakh lenā dastakeñ hathelī meñ

jab se maiñ safar meñ huuñ ham-safar haiñ darvāze

jazb kar ke rakh lena dastaken hatheli mein

jab se main safar mein hun ham-safar hain darwaze

utro ḳhud apnī zaat kī gahrā.ī meñ 'ḳhalish'

ubhre jo apne-āp ko paane kī aarzū

utro KHud apni zat ki gahrai mein 'KHalish'

ubhre jo apne-ap ko pane ki aarzu

guzarte vaqt ke āsār kaun chhoḌ gayā

zamāne Tal ga.e lekin aTal rahe haiñ sutūn

guzarte waqt ke aasar kaun chhoD gaya

zamane Tal gae lekin aTal rahe hain sutun

kahīñ hujūm meñ tanhā.ī mil ga.ī thī mujhe

maiñ ro diyā tirī yādoñ se guftugū kar ke

kahin hujum mein tanhai mil gai thi mujhe

main ro diya teri yaadon se guftugu kar ke

terī guftār ḳhalish aur qarīna māñge

bol mīThe sahī lahje meñ zarā talḳhī hai

teri guftar KHalish aur qarina mange

bol miThe sahi lahje mein zara talKHi hai

ik jang thī vo garmī-e-guftār nahīñ thī

donoñ kī anā miTne ko tayyār nahīñ thī

ek jang thi wo garmi-e-guftar nahin thi

donon ki ana miTne ko tayyar nahin thi