lag ga.ī shāyad kisī ganje kī us ko bhī nazar

dekh le zulfoñ kī ye zanjīr aadhī rah ga.ī

lag gai shayad kisi ganje ki us ko bhi nazar

dekh le zulfon ki ye zanjir aadhi rah gai

haiñ hamāre jitne leader sabhī bhuTTe chor kyoñ haiñ

koī chāra-sāz hotā koī ġham-gusār hotā

hain hamare jitne leader sabhi bhuTTe chor kyon hain

koi chaara-saz hota koi gham-gusar hota

fikr jab se ho ga.ī hai jeb bharne kī unheñ

ab duā-e-shaiḳh kī tāsīr aadhī rah ga.ī

fikr jab se ho gai hai jeb bharne ki unhen

ab dua-e-shaiKH ki tasir aadhi rah gai

is na.e daur meñ farsūda rivāyat pe na jā

shādī se pahle honeymōn manā my dear

is nae daur mein farsuda riwayat pe na ja

shadi se pahle honeymoon mana my dear

is buḌhāpe meñ tiir ye maarā

ik hasīna pe mar ga.e māmūñ

is buDhape mein tir ye mara

ek hasina pe mar gae mamun

baat manvanī hai arbāb-e-hukūmat se agar

nit-na.e Dhoñg rachā dhuum machā my dear

baat manwani hai arbab-e-hukumat se agar

nit-nae Dhong racha dhum macha my dear

bhare buḌhāpe meñ bhī jaag jā.eñge armāñ

ġhazal vo tum ko sunā.eñge jān-e-man ham bhī

bhare buDhape mein bhi jag jaenge arman

ghazal wo tum ko sunaenge jaan-e-man hum bhi

dil-e-vahshī mirā do husn ke paikar meñ uljhā hai

mukammal ik javāñ hai dūsrī par hai shabāb aadhā

dil-e-wahshi mera do husn ke paikar mein uljha hai

mukammal ek jawan hai dusri par hai shabab aadha

ġhazal churānā bhī aur paḌhnā bhī dhaḌalle se

kaleja chāhiye āsān kaam thoḌī hai

ghazal churana bhi aur paDhna bhi dhaDalle se

kaleja chahiye aasan kaam thoDi hai

jurm kartā huuñ is liye 'vāhid'

de ke rishvat maiñ chhūT jā.ūñgā

jurm karta hun is liye 'wahid'

de ke rishwat main chhuT jaunga

dekh kar shakl tabīboñ kī jab aatī hai hañsī

vo samajhte haiñ ki bīmār kā haal achchhā hai

dekh kar shakl tabibon ki jab aati hai hansi

wo samajhte hain ki bimar ka haal achchha hai

bechte haiñ shaiḳh sāhib āyateñ qur.ān kī

qabr par ujrat baġhair ab fātiha detā hai kaun

bechte hain shaiKH sahib aayaten quran ki

qabr par ujrat baghair ab fatiha deta hai kaun

yatīm-ḳhāne kā kar jaa.eñ saarā maal haḌap

harām-ḳhoroñ ke muñh meñ lagām thoḌī hai

yatim-KHane ka kar jaen sara mal haDap

haram-KHoron ke munh mein lagam thoDi hai

har ik nangā nazar aa.egā ik din dekhnā tum bhī

abhī duniyā-e-fashion meñ hai aaya inqalāb aadhā

har ek nanga nazar aaega ek din dekhna tum bhi

abhi duniya-e-fashion mein hai aaya inqalab aadha