bujhte hue charāġh farozāñ kareñge ham

tum aaoge to jashn-e-charāġhāñ kareñge ham

bujhte hue charagh farozan karenge hum

tum aaoge to jashn-e-charaghan karenge hum

dīdār se pahle hī kyā haal huā dil kā

kyā hogā jo ulTeñge vo ruḳh se naqāb āḳhir

didar se pahle hi kya haal hua dil ka

kya hoga jo ulTenge wo ruKH se naqab aaKHir

kitnī ghaTā.eñ aa.iiñ baras kar guzar ga.iiñ

shola hamāre dil kā bujhāyā na jā sakā

kitni ghaTaen aain baras kar guzar gain

shola hamare dil ka bujhaya na ja saka

dāman ke daaġh ashk-e-nadāmat ne dho diye

lekin ye dil kā daaġh miTāyā na jā sakā

daman ke dagh ashk-e-nadamat ne dho diye

lekin ye dil ka dagh miTaya na ja saka

aaj ruḳhsat ho gayā duniyā se ik bīmār-e-ġham

dard aisā dil meñ uTThā jaan le kar hī gayā

aaj ruKHsat ho gaya duniya se ek bimar-e-gham

dard aisa dil mein uTTha jaan le kar hi gaya