Search result for

SEARCH RESULTS

Showing search results for "pashmiina"

See All

POETS/AUTHORS/ARTISTS

Al-Maroof Bilkhaloti Pasheen Balochistan

Publisher

Pas-e-Aaina Publishers

Publisher

MOST RELEVANT MATCHES FOR "pashmiina"

Ghazal

pashmiina-posh raah-nashiino.n kii iltijaa
shaayad kabhii vo shaahid-e-atlash-qabaa sune

Josh Malihabadi

Ghazal

din tire saath resham se the
raat pashmiina shawlo.n sii thii.n

Sandeep Thakur

Nazm

dil mere sahra-naward-e-pir dil

naGma-dar-jaa.n raqs barpaa KHanda-bar-lab
dil tamannaa.o.n ke be-paayaa.n alaav ke qariib
dil mire sahraa-navard-e-piir dil
reg ke dil-shaad shahrii reg tuu
aur reg hii terii talab
reg kii nik.hat tire paikar me.n terii jaa.n me.n hai
reg sub.h-e-iid ke maanind zartaab-o-jaliil
reg sadiyo.n kaa jamaal
jashn-e-aadam par bichha.D kar milne vaalo.n kaa visaal
shauq ke lamhaat ke maanind aazaad-o-aziim
reg naGma-zan
ki zarre reg-zaaro.n kii vo paazeb-e-qadiim
jis pe pa.D saktaa nahii.n dast-e-la.iim
reg-e-sahraa zar-garii kii ek kii lahro.n se duur
chashma-e-makr-o-riyaa shahro.n se duur
reg shab-bedaar hai suntii hai har jaabir kii chaap
reg shab-bedaar hai nigaraa.n hai maanind-e-naqiib
dekhtii hai saaya-e-aamir kii chaap
reg har ayyaar Gaarat-gar kii maut
reg istibdaad ke tuGyaa.n ke shor-o-shar kii maut
reg jab uThtii hai u.D jaatii hai har faateh kii nii.nd
reg ke nezo.n se zaKHmii sab shahanshaaho.n ke KHvaab
reg ai sahraa kii reg
mujh ko apne jaagte zarro.n ke KHvaabo.n kii
na.ii ta.abiir de
reg ke zarro.n ubhartii sub.h tum
aa.o sahraa kii hado.n tak aa gayaa roz-e-tarab
dil mire sahraa-navard-e-piir dil
aa chuum reg
hai KHayaalo.n ke parii-zaado.n se bhii ma.asuum reg
reg-e-raqsaa.n maah-o-saal nuur tak raqsaa.n rahe
us kaa abresham mulaa.em narm-KHuu KHandaa.n rahe
dil mire sahraa-navard-e-piir dil
ye tamannaa.o.n kaa be-paayaa.n alaav
raah gum kar duu.n kii mash.al is ke lab par aa.o aa.o
tere maazii ke KHazaf rezo.n se jaagii hai ye aag
aag kii qurmuz zabaa.n par imbisaat-e-nau ke raag
dil mire sahraa-navard-e-piir dil
sargiraanii kii shab-e-rafta se jaag
kuchh sharar aaGosh sarsar me.n hai.n gum
aur kuchh ziina ba ziina sho.alo.n ke miinaar par cha.Dhte hu.e
aur kuchh tah me.n alaav kii abhii
muztarib lekin muzabzab tifl-e-kam-sin kii tarah
aag ziina aag ra.ngo.n kaa KHaziina
aag un lazzaat kaa sar-chashma hai
jis se letaa hai Gizaa ushshaaq ke dil kaa tapaak
chob-e-KHushk anguur us kii mai hai aag
sarsaraatii hai rago.n me.n iid ke din kii tarah
aag kaahin yaad se utrii hu.ii sadiyo.n kii ye afsaana-KHvaa.n
aane vaale qarnahaa kii daastaane.n lab pe hai.n
dil miraa sahraa-navard-e-piir dil sun kar javaa.n
aag aazaadii kaa dil-shaadii kaa naam
aag paidaa.ish kaa afzaa.ish kaa naam
aag ke phuulo.n me.n nasrii.n yaasman sumbul shafiiq-o-nastaran
aag aaraa.ish kaa zebaa.ish kaa naam
aag vo taqdiis dhul jaate hai.n jis se sab gunaah
aag insaano.n kii pahlii saa.ns ke maanind ik aisaa karam
umr kaa ik tuul bhii jis kaa nahii.n kaafii javaab
ye tamannaa.o.n kaa be-paayaa.n alaav gar na ho
is laq-o-daq me.n nikal aa.e.n kahii.n se bhe.Diye
is alaav ko sadaa raushan rakho
reg-e-sahraa ko bashaarat ho ki zinda hai alaav
bhe.Diyo.n kii chaap tak aatii nahii.n
aag se sahraa kaa rishta hai qadiim
aag se sahraa ke Te.Dhe re.ngne vaale
girah-aaluud zholiida daraKHt
jaagte hai.n naGma-dar-jaa.n raqs barpaa KHanda-bar-lab
aur manaa lete hai.n tanhaa.ii me.n jashn-e-maahtaab
un kii shaaKHe.n Gair-mara.ii tabl kii aavaaz par detii hai.n taal
biikH-o-bun se aane lagtii hai KHudaavandii jalaajil kii sadaa
aag se sahraa kaa rishta hai qadiim
rahravo.n sahraa-navardo.n ke liye hai rahnumaa
kaarvaano.n kaa sahaaraa bhii hai aag
aur sahraa.o.n kii tanhaa.ii ko kam kartii hai aag
aag ke chaaro.n taraf pashmiina-o-dastaar me.n lipTe hu.e
afsaana-go
jaise gird-e-chashm mizhgaa.n kaa hujuum
un ke hairat-naak dilkash tajrabo.n se
jab damak uThtii hai ret
zarra zarra bajne lagtaa hai misaal-e-saaz-e-jaa.n
gosh-bar-aavaaz rahte hai.n daraKHt
aur ha.ns dete hai.n apnii aarifaana be-niyaazii se kabhii
ye tamannaa.o.n kaa be-paayaa.n alaav gar na ho
reg apnii KHalvat-e-be-nuur-o-KHud-bii.n me.n rahe
apnii yaktaa.ii kii tahsii.n me.n rahe
is alaav ko sadaa raushan rakho
ye tamannaa.o.n kaa be-paayaa.n alaav gar na ho
asia africa pahnaa.ii kaa naam
be-kaar pahnaa.ii kaa naam
europe aur america daaraa.ii kaa naam
takraar-e-daaraa.ii kaa naam
meraa dil sahraa-navard-e-piir dil
jaag uThaa hai mashriq-o-maGrib kii aisii yak-dilii
ke kaarvaano.n kaa nayaa ruuyaa liye
yak-dilii aisii ki hogii fahm-e-insaa.n se varaa
yak-dilii aisii ki ham sab kah uThe.n
is qadar ujlat na kar
izhdihaam-e-gul na ban
kah uThe.n ham
tuu Gam-e-kul to na thii
ab lazzat-e-kul bhii na ban
roz-e-aasaa.ish kii bedardii na ban
yak-dilii ban aisaa sannaaTaa na ban
jis me.n taabistaa.n kii dopahro.n kii
be-haasil kasaalat ke sivaa kuchh bhii na ho
is jafaa-gar yak-dilii ke kaarvaa.n yuu.n aa.e.nge
dast-e-jaaduu-gar se jaise phuuT nikle ho.n tilism
ishq-e-haasil-KHez se yaa zor-e-paidaa.ii se jaise naa-gahaa.n
khul ga.e ho.n mashriq-o-maGrib ke jism
jism sadiyo.n ke aqiim
kaarvaa.n farKHanda-pai aur un kaa baar
kiisa kiisa taKHt-e-jam aur taaj-e-kai
kuuza kuuza fard kii satvat kii mai
jaama jaama roz-o-shab mehnat kaa KHai
naGma naGma hurriyat kii garm lai
saaliko firoz-baKHto aane vaale qaaflo
shahr se lauToge tum to paa.oge
ret ke sarhad pe jo ruuh-e-abad KHvaabiida thii
jaag uThii hai shikva-haa-e-nai se vo
ret kii tah me.n jo sharmiilii sahar ro.iida thii
jaag uThii hai hurriyat kii lai se vo
itnii doshiiza thii itnii mard-e-naa-diida thii sub.h
puuchh sakte the na us kii umr ham
dard se ha.nstii na thii
zarro.n kii ra.anaa.ii pe bhii ha.nstii na thii
ek mahjuubaana be-KHabarii me.n ha.ns detii thii sub.h
ab manaatii hai vo sahraa kaa jalaal
jaise izz-o-jal ke paa.nv kii yahii mehraab ho
zer-e-mehraab aa ga.ii ho us ko bedaarii kii raat
KHud janaab-e-izz-o-jal se jaise umiid-e-zafaaf
saare naa-karda gunaah is ke mu.aaf
sub.h-e-sahraa shaad-baad
ai uruus-e-izz-o-jal farKHanda ro taabinda kho
tuu ik aise hujra-e-shab se nikal kar aa.ii hai
dast-e-qaatil ne bahaayaa thaa jahaa.n har sej par
sai.nka.Do.n taaro.n kaa raKHshanda lahuu phuulo.n ke paas
sub.h-e-sahraa sar mire zaanuu pe rakh kar daastaa.n
un tamannaa ke shahiido.n kii na kah
un kii niima-ras uma.ngo.n aarzuu.o.n kii na kah
jin se milne kaa ko.ii imkaa.n nahii.n
shahd teraa jin ko nashsh-e-jaa.n nahii.n
aaj bhii kuchh duur is sahraa ke paar
dev kii diivaar ke niiche nasiim
roz-o-shab chaltii hai mub.ham KHauf se sahmii hu.ii
jis tarah shahro.n kii raaho.n par yatiim
naGma-bar-lab taaki un kii jaa.n kaa sannaaTaa ho duur
aaj bhii is reg ke zarro.n me.n hai.n
aise zarre aap hii apne Ganiim
aaj bhii is aag ke sho.alo.n me.n hai.n
vo sharar jo us kii tah me.n par-buriida rah ga.e
misl-e-harf naa-shuniida rah ga.e
sub.h-e-sahraa ai uruus-e-izz-o-jal
aa ki un kii daastaa.n dohraa.e.n ham
un kii izzat un kii azmat gaa.e.n ham
sub.h ret aur aag ham sab kaa jalaal
yak-dilii ke kaarvaa.n un kaa jamaal
aa.o
is tahliil ke halqe me.n ham mil jaa.e.n
aa.o
shaad-baaG apnii tamannaa.o.n kaa be-paayaa.n alaav

Noon Meem Rashid

Ghazal

ghar ke har kone se ab bhii
mahak hamaarii chunte hoge
yaado.n ke pashmiina se tum
kal ko pal-pal bunte hoge
lekin sach to ye hai saathii
ham to kab ke jaa bhii chuke hai.n

Renu Nayyar

Ghazal

the diidanii libaaso.n me.n tarshe hu.e badan
o.Dhii jo us ne shaal to pashmiina jii uThaa

Zubair Rizvi

See All

DICTIONARY MATCHES

REKHTA DICTIONARY

pashmiina

पश्मीनाپَشْمِینَہ

Persian

pashmina, a fine quality woollen cloth

pashmiinaa

पश्मीनाپَشْمِینا

pasiina

पसीनाپَسِینَہ

Sanskrit

perspiration, sweat

pashmiyaa

पश्मियाپَشْمِیا

(تیاری اون) پشم یا اون کا بنا ہوا تاگا.

See All

BOOKS MATCHES FOR "pashmiina"

Pas-e-Aaina

Jameel Malik

Nazm

Pas-e-Aaina

Yasmeen Hameed

Poetry

Dar Pas-e-Aaina

Humayun Ashraf

Letters

Pas-e-Aaina

Mohammad Kaleem Ziya

Majmua

Aina Pas-e-Aina

Arshad Masood Hashmi

Criticism

Aansu Aur Paseena

Ram Partap Bahadur

Fiction Criticism

Raat Pashmeene Ki

Gulzar

Ghazal

Gulabi Pasina

Nafees Tyagi

Novel

Aansoo Aur Paseena

R. P. Bahadur

Short-story

Aaina Pas-e-Aaina

Mumtaz Siddiqi

Poetry

Pas-e-Aaina

Mashhood Chaudhari

Majmua

MORE MATCHES FOR "pashmiina"

Ghazal

tire haatho.n kii be-dhyaanii se ik din
udha.D jaa.egaa pashmiina hamaaraa

Tauqeer Ahmad

Translated Poetry

darvesh huu.n darvesh mujhe yaar se kaam
mujh ko nahii.n kuchh sub.ha-o-zunnaar se kaam
is KHirqa-e-pashmiina me.n fitne hai.n nihaa.n
fitne se mujhe Garaz na 'ayyaar se kaam

Sarmad Kashani

Ghazal

mai.n KHayaal huu.n kisii aur kaa mujhe sochtaa ko.ii aur hai
sar-e-aa.iina miraa aks hai pas-e-aa.iina ko.ii aur hai

Saleem Kausar

Marsiya

uTThe husain zaanuu-e-ahmad se KHashm-gii.n
Gusse se rang zard aur aa.nkho.n pe aastii.n
ruKH par pasiina jism me.n ra.asha jabii.n pa chii.n
puuchhaa kidhar chale to ye bole kahii.n nahii.n
ghar me.n akele tevarii cha.Dhaa.e chale ga.e
dekhaa na phir ke sar ko jhukaa.e chale ga.e

Meer Anees

Sher

mai.n KHayaal huu.n kisii aur kaa mujhe sochtaa ko.ii aur hai
sar-e-aa.iina miraa aks hai pas-e-aa.iina ko.ii aur hai

Saleem Kausar

Sher

na mai.n samjhaa na aap aa.e kahii.n se
pasiina pochhiye apnii jabii.n se

Anwar Dehlvi

Nazm

tum bilkul hum jaise nikle

tum bilkul ham jaise nikle
ab tak kahaa.n chhupe the bhaa.ii
vo muurakhtaa vo ghaama.D-pan
jis me.n ham ne sadii ga.nvaa.ii
aaKHir pahu.nchii dvaar tuhaare
are badhaa.ii bahut badhaa.ii
pret dharm kaa naach rahaa hai
qaa.em hinduu raaj karoge
saare ulTe kaaj karoge
apnaa chaman taaraaj karoge
tum bhii baiThe karoge sochaa
puurii hai vaisii tayyaarii
kaun hai hinduu kaun nahii.n hai
tum bhii karoge fatvaa jaarii
hogaa kaThin yahaa.n bhii jiinaa
daa.nto.n aa jaa.egaa pasiinaa
jaisii-taisii kaTaa karegii
yahaa.n bhii sab kii saa.ns ghuTegii
bhaa.D me.n jaa.e shikshaa-vikshaa
ab jaahil-pan ke gun gaanaa
aage ga.Dhaa hai ye mat dekho
vaapas laa.o gayaa zamaana
mashq karo tum aa jaa.egaa
ulTe paa.nv chalte jaanaa
dhyaan na duujaa man me.n aa.e
bas piichhe hii nazar jamaanaa
ek jaap saa karte jaa.o
baaram-baar yahii doharaa.o
kaisaa viir mahaan thaa bhaarat
kitnaa 'aalii-shaan thaa bhaarat
phir tum log pahu.nch jaa.oge
bas parlok pahu.nch jaa.oge
ham to hai.n pahle se vahaa.n par
tum bhii samay nikaalte rahnaa
ab jis nark me.n jaa.o vahaa.n se
chiTThii-viTThii Daalte rahnaa

Fahmida Riaz

Qita

pasiine se mire ab to ye ruumaal
hai naqd-e-naaz-e-ulfat kaa KHaziina
ye ruumaal ab mujhii ko baKHsh diije
nahii.n to laa.iye meraa pasiina

Jaun Eliya

Ghazal

ye pasiina vahii aa.nsuu hai.n jo pii jaate the ham
'aarzuu' lo vo khulaa bhed vo TuuTaa paanii

Arzoo Lakhnavi

Nazm

bhuk

dopahar kii garmii me.n
be-iraada qadmo.n se
ik sa.Dak pe chaltaa huu.n
ta.ng sii sa.Dak par hai.n
dono.n samt dokaane.n
KHaalii KHaalii aa.nkho.n se
har dukaan kaa taKHta
sirf dekh saktaa huu.n
ab pa.Dhaa nahii.n jaataa
log aate jaate hai.n
paas se guzarte hai.n
phir bhii kitne dhu.ndle hai.n
sab hai.n jaise be-chehra
shor in dukaano.n kaa
raah chaltii ik gaalii
radio kii aavaaze.n
duur kii sadaa.e.n hai.n
aa rahii miilo.n se
jo bhii sun rahaa huu.n mai.n
jo bhii dekhtaa huu.n mai.n
KHvaab jaisaa lagtaa hai
hai bhii aur nahii.n bhii hai
dopahar kii garmii me.n
be-iraada qadmo.n se
ik sa.Dak pe chaltaa huu.n
saamne ke nukka.D par
nal dikhaa.ii detaa hai
saKHt kyuu.n hai ye paanii
kyuu.n gale me.n pha.nstaa hai
mere peT me.n jaise
ghuu.nsa ek lagtaa hai
aa rahaa hai chakkar saa
jism par pasiina hai
ab sakat nahii.n baaqii
aaj tiisraa din hai
aaj tiisraa din hai

Javed Akhtar

SEARCH RESULTS

POETS/AUTHORS/ARTISTS

MOST RELEVANT MATCHES FOR "pashmiina"

Ghazal

Josh Malihabadi

Ghazal

Sandeep Thakur

Nazm

dil mere sahra-naward-e-pir dil

Noon Meem Rashid

Ghazal

Renu Nayyar

Ghazal

Zubair Rizvi

DICTIONARY MATCHES

REKHTA DICTIONARY

pashmiina

pashmiinaa

pasiina

pashmiyaa

BOOKS MATCHES FOR "pashmiina"

MORE MATCHES FOR "pashmiina"

Ghazal

Tauqeer Ahmad

Translated Poetry

Sarmad Kashani

Ghazal

Saleem Kausar

Marsiya

Meer Anees

Sher

Saleem Kausar

Sher

Anwar Dehlvi

Nazm

tum bilkul hum jaise nikle

Fahmida Riaz

Qita

Jaun Eliya

Ghazal

Arzoo Lakhnavi

Nazm

bhuk

Javed Akhtar

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books