Search result for "دائیں" | Category - Couplet, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "دائیں"

Sher MATCHES FOR "دائیں"

Sher

ye vaar kar gayaa hai pahluu se kaun mujh par
thaa mai.n hii daa.e.n baa.e.n aur mai.n hii darmiyaa.n thaa

Jaun Eliya

Sher

mai.n tire daa.e.n baa.e.n rahtaa huu.n
ai mire saamne kii majbuurii

Sarfraz Zahid

Sher

vo zahr detaa to sab kii nigah me.n aa jaataa
so ye kiyaa ki mujhe vaqt pe davaa.e.n na dii.n

Akhtar Nazmi

Sher

ek aurat se vafaa karne kaa ye tohfa milaa
jaane kitnii aurato.n kii bad-du.aa.e.n saath hai.n

Bashir Badr

Sher

du.aa.e.n yaad karaa dii ga.ii thii.n bachpan me.n
so zaKHm khaate rahe aur du.aa diye ga.e ham

Iftikhar Arif

Sher

kyuu.n maa.ng rahe ho kisii baarish kii du.aa.e.n
tum apne shikasta dar-o-diivaar to dekho

Jazib Quraishi

Sher

jo zahr pii chukaa huu.n tumhii.n ne mujhe diyaa
ab tum to zindagii kii du.aa.e.n mujhe na do

Ahmad Faraz

Sher

umr guzrii davaa.e.n karte 'miir'
dard-e-dil kaa hu.aa na chaara hanuuz

Meer Taqi Meer

Sher

kaamyaabii kii du.aa.e.n mujhe dene vaale
mai.n tire ishq me.n naakaam hu.aa jaataa huu.n

Haris Bilal

Sher

taaq par juzdaan me.n lipTii du.aa.e.n rah ga.ii.n
chal diye beTe safar par ghar me.n maa.e.n rah ga.ii.n

Iftikhar Naseem

Sher

nii.nd ko Dhuu.nD ke laane kii davaa.e.n thii.n bahut
kaam mushkil to ko.ii KHvaab hasii.n Dhuu.nDhnaa thaa

Rajesh Reddy

Sher

marne kii du.aa.e.n kyuu.n maa.nguu.n jiine kii tamannaa kaun kare
ye duniyaa ho yaa vo duniyaa ab KHvaahish-e-duniyaa kaun kare

Moin Ahsan Jazbi

Sher

ham apne zehn pe vo zaKHm sah chuke 'shaahid'
davaa.e.n jin kii zamaane ne ab nikaalii hai.n

Shahid Anwar

Sher

sahraa kaa safar thaa to shajar kyuu.n nahii.n aayaa
maa.ngii thii.n du.aa.e.n to asar kyuu.n nahii.n aayaa

zafar iqbal zafar

Sher

zaKHm khaa kar bhii jo du.aa.e.n de
kaun us kaa muqaabla karegaa

Abdurrahman momin

Sher

kahaa.n jaatii hai.n baarish kii du.aa.e.n
shajar par ek bhii patta nahii.n hai

Sheen Kaaf Nizam

Sher

tuufaa.n kaa gilaa kyaa kartaa hai tuufaa.n ko du.aa.e.n de naadaa.n
har mauj tujhe Thokar de kar saahil kii taraf le jaatii hai

Jigar Moradabadi

Sher

aahe.n bhii kii.n du.aa.e.n bhii maa.ngii.n tire liye
mai.n kyaa karuu.n jo yaar kisii me.n asar na ho

Lala Madhav Ram Jauhar

Sher

kyaa kyaa du.aa.e.n maa.ngte hai.n sab magar 'asar'
apnii yahii du.aa hai ko.ii mudda.aa na ho

Asar Lakhnavi

Sher

du.aa.e.n maa.ngii hai.n saaqii ne khol kar zulfe.n
basaan-e-dast-e-karam abr-e-dajla-baar baras

Mirza Mohammad Hadi Aziz Lakhnavi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now