SEARCH RESULTS
Showing search results for "سامان"
Sher MATCHES FOR "سامان"
Sher
aagaah apnii maut se ko.ii bashar nahii.n
saamaan sau baras kaa hai pal kii KHabar nahii.n
Hairat Allahabadi
Sher
apne saamaan ko baa.ndhe hu.e is soch me.n huu.n
jo kahii.n ke nahii.n rahte vo kahaa.n jaate hai.n
Jawad Sheikh
Sher
hosh o havaas o taab o tavaa.n 'daaG' jaa chuke
ab ham bhii jaane vaale hai.n saamaan to gayaa
Dagh Dehlvi
Sher
Iqbal Azeem
Sher
jis ko KHush rahne ke saamaan mayassar sab ho.n
us ko KHush rahnaa bhii aa.e ye zaruurii to nahii.n
Unknown
Sher
hame.n KHabar hai vo mehmaan ek raat kaa hai
hamaare paas bhii saamaan ek raat kaa hai
Saifuddin Saif
Sher
vaqt-e-ruKHsat jo mujhe pyaar se dekhaa tum ne
is se ba.Dh kar miraa saamaan-e-safar kyaa hogaa
Unknown
Sher
mai.n ne saamaan-e-safar baa.ndh ke phir khol diyaa
ek tasviir ne dekhaa mujhe almaarii se
Unknown
Sher
rail-gaa.Dii ke safar me.n ye hu.aa hai aksar
log baiThe hu.e saamaan badal dete hai.n
Saeed Rahmani
Sher
safiir-e-ishq hame.n ab to ham safar kar lo
hamaare paas to saamaan bhii ziyaada nahii.n
Vipul Kumar
Sher
kyaa jaane.n safar KHair se guzre ki na guzre
tum ghar kaa pata bhii mire saamaan me.n rakhnaa
Anjum Khaleeq
Sher
Gam kii takmiil kaa saamaan hu.aa hai paidaa
laa.iq-e-faKHr mirii be-sar-o-saamaanii hai
Hanson Rehani
Sher
terii yaado.n kaa hii sarmaayaa liye baiThe hai.n
ham kabhii be-sar-o-saamaan na hone paa.e
JaiKrishn Chaudhry Habeeb
Sher
qiimtii shai thii tiraa hijr uThaa.e rakkhaa
varna sailaab me.n saamaan kahaa.n dekhte hai.n
Rana Amir Liyaqat
Sher
rotii aa.nkho.n ko ha.nsaane kaa hunar le ke chalo
ghar se niklo to ye saamaan-e-safar le ke chalo
