Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "عبث"

Sher MATCHES FOR "عبث"

Sher

naahaq ham majbuuro.n par ye tohmat hai muKHtaarii kii
chaahte hai.n so aap kare.n hai.n ham ko abas badnaam kiyaa

Meer Taqi Meer
Sher

ab ke ham bichh.De to shaayad kabhii KHvaabo.n me.n mile.n
jis tarah suukhe hu.e phuul kitaabo.n me.n mile.n

Ahmad Faraz
Sher

abas naadaaniyo.n par aap apnii naaz karte hai.n
abhii dekhii kahaa.n hai.n aap ne naadaaniyaa.n merii

Fayyaz Hashmi
Sher

abas ilzaam mat do mushkilaat-e-raah ko 'raahii'
tumhaare hii iraade me.n kamii ma.aluum hotii hai

Divakar Rahi
Sher

abas dil be-kasii pe apnii apnii har vaqt rotaa hai
na kar Gam ai divaane ishq me.n aisaa hii hotaa hai

Khan Arzoo Sirajuddin Ali
Sher

apnii mahfil se abas ham ko uThaate hai.n huzuur
chupke baiThe hai.n alag aap kaa kyaa lete hai.n

Ameer Minai
Sher

abas mehnat hai kuchh haasil nahii.n patthar-taraashii se
yahii mazmuun thaa farhaad ke teshe kii khaT-khaT kaa

Nazeer Akbarabadi
Sher

abas tuu ghar basaataa hai mirii aa.nkho.n me.n ai pyaare
kisii ne aaj tak dekhaa bhii hai paanii pe ghar Thahraa

Mohammad Rafi Sauda
Sher

chhaanii kahaa.n na KHaak na paayaa kahii.n tumhe.n
miTTii mirii KHaraab abas dar-ba-dar hu.ii

Bhartendu Harishchandra
Sher

tujh ko kyaa duusro.n ke aibo.n se
kyuu.n abas ruu-siyaah hotaa hai

Abdul Hamid Adam
Sher

dushman ke kaam karne lagaa ab to dost bhii
tuu ai raqiib darpai-e-aazaar hai abas

Munawar Khan Ghafil
Sher

sabhii to dost hai.n kyuu.n shak abas hu.aa mujh ko
kisii ke haath kaa patthar mirii talaash me.n hai

Haidar Ali Jafri
Sher

hamaare marg pe shaadii abas aGyaar karte hai.n
jahaa.n se rafta-rafta ek din un ko bhii jaanaa hai

Mardan Ali Khan Rana
Sher

abas in shahriyo.n me.n vaqt apnaa ham kiye zaa.e
kisii majnuu.n kii sohbat baiTh diivaane hu.e hote

Siraj Aurangabadi
Sher

ta.ana-zan kufr pe hotaa hai abas ai zaahid
but-parastii hai tire zohd-e-riyaa se behtar

Joshish Azimabadi
Sher

KHalal ik pa.D gayaa naahaq gul o bulbul kii sohbat me.n
abas kholaa thaa tuu ne baaG me.n ai gul badan apnaa

Jurat Qalandar Bakhsh
Sher

Gam sii.n ahl-e-bait ke jii to tiraa ku.Dhtaa nahii.n
yuu.n abas pa.Dhtaa phiraa jo marsiya to kyaa hu.aa

Abroo Shah Mubarak
Sher

kisii zindaa.n me.n sochnaa hai abas
dahr ham me.n hai yaa ki dahr me.n ham

Sabir Zafar
Sher

abas mal mal ke dhotaa hai tuu apne dast-e-naazuk ko
nahii.n jaane kii surKHii haath se KHuun-e-shahiidaa.n kii

Meer Mohammadi Bedar
Sher

yuu.n abas kisii ko sadaa na do dil-e-zaar ko ye bataa bhii do
kabhii ab na aa.e.nge lauT kar vo jo ek baar chale ga.e

Ajay Sahaab
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now