Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "کنبہ"

Sher MATCHES FOR "کنبہ"

Sher

sunte hai.n ki aabaad yahaa.n thaa ko.ii kumba
aasaar bhii kahte hai.n yahaa.n par ko.ii ghar thaa

Mohsin Zaidi
Sher

kaaba kis mu.nh se jaa.oge 'Gaalib'
sharm tum ko magar nahii.n aatii

Mirza Ghalib
Sher

iimaa.n mujhe roke hai jo khii.nche hai mujhe kufr
ka.aba mire piichhe hai kaliisaa mire aage

Mirza Ghalib
Sher

KHudaa ke vaaste zaahid uThaa parda na kaabe kaa
kahii.n aisaa na ho yaa.n bhii vahii kaafir-sanam nikle

Bahadur Shah Zafar
Sher

mai.n to masjid se chalaa thaa kisii ka.aba kii taraf
dukh to ye hai ki ibaadat mirii bad-naam hu.ii

Ahmad Rahi
Sher

ham hai.n ka.aba ham hai.n but-KHaana hamii.n hai.n kaa.enaat
ho sake to KHud ko bhii ik baar sajda kiijiye

Majrooh Sultanpuri
Sher

sidhaare.n shaiKH ka.aba ko ham inglistaan dekhe.nge
vo dekhe.n ghar KHudaa kaa ham KHudaa kii shaan dekhe.nge

Akbar Allahabadi
Sher

dono.n terii justujuu me.n phirte hai.n dar dar tabaah
dair hinduu chho.D kar ka.aba musalmaa.n chho.D kar

Waliullah Muhib
Sher

apnaa to ye maz.hab hai ka.aba ho ki but-KHaana
jis jaa tumhe.n dekhe.nge ham sar ko jhukaa de.nge

Bedam Shah Warsi
Sher

KHuluus-e-dil se sajda ho to us sajde kaa kyaa kahnaa
vahii.n ka.aba sarak aayaa jabii.n ham ne jahaa.n rakh dii

Seemab Akbarabadi
Sher

kabhii mai-kada kabhii but-kada kabhii ka.aba to kabhii KHaanqaah
ye tirii talab kaa junuun thaa mujhe kab kisii se lagaav thaa

Shamim Abbas
Sher

shauq kahtaa hai pahu.nch jaa.uu.n mai.n ab kaabe me.n jald
raah me.n but-KHaana pa.Dtaa hai ilaahii kyaa karuu.n

Ameer Minai
Sher

dost ne dil ko to.D ke naqsh-e-vafaa miTaa diyaa
samjhe the ham jise KHaliil ka.aba usii ne Dhaa diyaa

Arzoo Lakhnavi
Sher

bandagii kaa mirii andaaz judaa hotaa hai
meraa ka.aba mere sajdo.n me.n chhupaa hotaa hai

Unknown
Sher

ka.aba ke Dhaane vaale vo aur log ho.nge
ham kufr jaante hai.n dil to.Dnaa kisii kaa

Unknown
Sher

ka.abe me.n vahii KHud hai vahii dair me.n hai aap
hinduu kaho yaa us ko musalmaan vahii hai

Waliullah Muhib
Sher

vafaa-daarii ba-shart-e-ustuvaarii asl iimaa.n hai
mare but-KHaane me.n to kaabe me.n gaa.Do birhman ko

Mirza Ghalib
Sher

ham ishq ke bande hai.n maz.hab se nahii.n vaaqif
gar ka.aba hu.aa to kyaa but-KHaana hu.aa to kyaa

Asifud Daula
Sher

bandagii me.n bhii vo aazaada o KHud-bii.n hai.n ki ham
ulTe phir aa.e dar-e-kaaba agar vaa na hu.aa

Mirza Ghalib
Sher

nahii.n dair o haram se kaam ham ulfat ke bande hai.n
vahii ka.aba hai apnaa aarzuu dil kii jahaa.n nikle

Asghar Gondvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now