Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "नग़्मा"

Sher MATCHES FOR "नग़्मा"

Sher

mohabbat ke liye kuchh KHaas dil maKHsuus hote hai.n
ye vo naGma hai jo har saaz par gaayaa nahii.n jaataa

Makhmoor Dehlvi
Sher

zindagii gul hai naGma hai mahtaab hai
zindagii ko faqat imtihaa.n mat samajh

Mohsin Bhopali
Sher

agle vaqto.n ke hai.n ye log inhe.n kuchh na kaho
jo mai o naGma ko andoh-rubaa kahte hai.n

Mirza Ghalib
Sher

vo naGma bulbul-e-ra.ngii.n-navaa ik baar ho jaa.e
kalii kii aa.nkh khul jaa.e chaman bedaar ho jaa.e

Asghar Gondvi
Sher

paiGaam-e-hayaat-e-jaavedaa.n thaa
har naGma-e-krishn baa.nsurii kaa

Hasrat Mohani
Sher

kahii.n sher o naGma ban ke kahii.n aa.nsu.o.n me.n Dhal ke
vo mujhe mile to lekin ka.ii suurate.n badal ke

Khumar Barabankavi
Sher

ek ha.ngaame pe mauquuf hai ghar kii raunaq
nauha-e-Gam hii sahii naGma-e-shaadii na sahii

Mirza Ghalib
Sher

hamii.n hai.n soz hamii.n saaz hai.n hamii.n naGma
zaraa sambhal ke sar-e-bazm chhe.Dnaa ham ko

Moin Ahsan Jazbi
Sher

ishq ko naGma-e-ummiid sunaa de aa kar
dil kii so.ii hu.ii qismat ko jagaa de aa kar

Akhtar Shirani
Sher

kyaa tire shahr ke insaan hai.n patthar kii tarah
ko.ii naGma ko.ii paayal ko.ii jhankaar nahii.n

Kamil Bahzadi
Sher

na gul-e-naGma huu.n na parda-e-saaz
mai.n huu.n apnii shikast kii aavaaz

Mirza Ghalib
Sher

mohabbat chiiKH bhii KHaamoshii bhii naGma bhii na.ara bhii
ye ik mazmuun hai kitne hii unvaano.n se vaabasta

Hafeez Merathi
Sher

har saa.ns hai ik naGma har naGma hai mastaana
kis darja dukhe dil kaa ra.ngiin hai afsaana

Arzoo Lakhnavi
Sher

ek naGma ik taaraa ek Guncha ek jaam
ai Gam-e-dauraa.n Gam-e-dauraa.n tujhe meraa salaam

Saghar Siddiqui
Sher

mai.n nahii.n huu.n naGma-e-jaa.n-fazaa mujhe sun ke ko.ii karegaa kyaa
mai.n ba.De birog kii huu.n sadaa mai.n ba.De dukhii kii pukaar huu.n

Muztar Khairabadi
Sher

gar tarannum par hii 'daanish' munhasir hai shaa.irii
phir to duniyaa bhar ke shaa.ir naGma-KHvaa.n ho jaa.e.nge

Danish Aligarhi
Sher

haa.e vo naGma jis kaa muGannii
gaataa jaa.e rotaa jaa.e

Hafeez Merathi
Sher

ye teraa gulistaa.n teraa chaman kab merii navaa ke qaabil hai
naGma miraa apne daaman me.n aap apnaa gulistaa.n laataa hai

Ali Sardar Jafri
Sher

chhe.Daa hai ek naGma-e-shiirii.n bhii kuu-ba-kuu
dil ne hilaal-e-iid kii taa.iid ke liye

Afroz Rizvi
Sher

farq jo kuchh hai vo mutrib me.n hai aur saaz me.n hai
varna naGma vahii har parda-e-aavaaz me.n hai

Anand Narayan Mulla
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now