Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "बंजारा"

Sher MATCHES FOR "बंजारा"

Sher

bahut mushkil hai banjaara-mizaajii
saliiqa chaahiye aavaargii me.n

Nida Fazli
Sher

go barastii nahii.n sadaa aa.nkhe.n
abr to baara maas hotaa hai

Gulzar
Sher

tuu vo bahaar jo apne chaman me.n aavaara
mai.n vo chaman jo bahaaraa.n ke intizaar me.n hai

Ali Sardar Jafri
Sher

chashm-e-tar par gar nahii.n kartaa havaa par rahm kar
de le saaqii ham ko mai ye abr-e-baaraa.n phir kahaa.n

Inamullah Khan Yaqeen
Sher

banjaare hai.n rishto.n kii tijaarat nahii.n karte
ham log dikhaave kii mohabbat nahii.n karte

Naseem Nikhat
Sher

mazaa barsaat kaa chaaho to in aa.nkho.n me.n aa baiTho
syaahii hai safedii hai shafaq hai abr-e-baaraa.n hai

Arzoo Lakhnavi
Sher

le aa.egaa ik roz gul o barg bhii 'sarvat'
baaraa.n kaa musalsal KHas-o-KHaashaak pe honaa

Sarvat Husain
Sher

ishq o mohabbat kyaa hote hai.n kyaa samjhaa.uu.n vaa.iz ko
bhai.ns ke aage biin bajaanaa mere bas kii baat nahii.n

Kunwar Mahendra Singh Bedi Sahar
Sher

azaab-e-barq-o-baaraa.n thaa a.ndherii raat thii
ravaa.n thii.n kashtiyaa.n kis shaan se is jhiil me.n

Aftab Hussain
Sher

charaaG-e-zindagii hogaa farozaa.n ham nahii.n ho.nge
chaman me.n aa.egii fasl-e-bahaaraa.n ham nahii.n ho.nge

Abdul Majeed Salik
Sher

dasht-e-baaraa.n kii havaa se phir haraa saa ho gayaa
mai.n faqat KHushbuu se us kii taaza-dam saa ho gayaa

Muneer Niyazi
Sher

ulfat me.n tirii ai but-e-be-mehr-o-mohabbat
aayaa hame.n ik haath se taalii kaa bajaanaa

Baqaullah 'Baqa'
Sher

barq baaraa.n tiirgii aur zalzala
badlaa badlaa saa hai mausam kaa mizaaj

Aasim Shahnawaz Shibli
Sher

har shaaKH-e-chaman hai afsurda har phuul kaa chehra pazhmurda
aaGaaz hii jab aisaa hai to phir anjaam-e-bahaaraa.n kyaa hogaa

Akhtar Muslimi
Sher

chalte ho to chaman ko chaliye kahte hai.n ki bahaaraa.n hai
paat hare hai.n phuul khile hai.n kam-kam baad-o-baaraa.n hai

Meer Taqi Meer
Sher

mujhe tasliim hai qaid-e-qafas se maut behtar hai
nasheman par hujuum-e-barq-o-baaraa.n kaun dekhegaa

Anwar Sabri
Sher

sab apne apne tariiqe se bhiik maa.ngte hai.n
ko.ii ba-naam-e-mohabbat ko.ii ba-jaama-e-ishq

Abid Wadood
Sher

vo sahraa jis me.n kaT jaate hai.n din yaad-e-bahaaraa.n se
ba-alfaaz-e-digar us ko chaman kahnaa hii pa.Dtaa hai

Arsh Malsiyani
Sher

mirii is chashm-e-tar se abr-e-baaraa.n ko hai kyaa nisbat
ki vo dariyaa kaa paanii aur ye KHuun-e-dil hai barsaatii

Nazeer Akbarabadi
Sher

ho saktaa hai ko.ii hame.n bhii Dhuu.nDe in banjaaro.n me.n
jaane kis kii khoj me.n kab se phirte hai.n baazaaro.n me.n

Anwar Nadeem
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now