Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for ".uft"

Sher MATCHES FOR ".uft"

Sher

aafat to hai vo naaz bhii andaaz bhii lekin
martaa huu.n mai.n jis par vo adaa aur hii kuchh hai

Ameer Minai
Sher

uf vo marmar se taraashaa hu.aa shaffaaf badan
dekhne vaale use taaj-mahal kahte hai.n

Qateel Shifai
Sher

ai junuu.n phir mire sar par vahii shaamat aa.ii
phir pha.nsaa zulfo.n me.n dil phir vahii aafat aa.ii

Aasi Ghazipuri
Sher

husn aafat nahii.n to phir kyaa hai
tuu qayaamat nahii.n to phir kyaa hai

Jaleel Manikpuri
Sher

ik ishq kaa Gam aafat aur us pe ye dil aafat
yaa Gam na diyaa hotaa yaa dil na diyaa hotaa

Chiragh Hasan Hasrat
Sher

jin ko daulat haqiir lagtii hai
uf vo kitne amiir hote hai.n

Abdul Hamid Adam
Sher

ik adaa mastaana sar se paa.nv tak chhaa.ii hu.ii
uf tirii kaafir javaanii josh par aa.ii hu.ii

Dagh Dehlvi
Sher

mai-kada hai yahaa.n sukuu.n se baiTh
ko.ii aafat idhar nahii.n aatii

Abdul Hamid Adam
Sher

ro.e baGair chaara na rone kii taab hai
kyaa chiiz uf ye kaifiyat-e-iztiraab hai

Akhtar Ansari
Sher

balaa hai qahr hai aafat hai fitna hai qayaamat hai
hasiino.n kii javaanii ko javaanii kaun kahtaa hai

Arsh Malsiyani
Sher

zindagii bhar ye aasmaa.n tujh ko
kisii aafat me.n mubtalaa na kare

Unknown
Sher

kiyaa thaa ahd jab lamho.n me.n ham ne
to saarii umr iifaa kyuu.n kare.n ham

Jaun Eliya
Sher

achchhii suurat nazar aate hii machal jaataa hai
kisii aafat me.n na Daale dil-e-naashaad mujhe

Jaleel Manikpuri
Sher

aafat-e-jaa.n hu.ii us ruu-e-kitaabii kii yaad
raas aayaa na mujhe haafiz-e-qur.aa.n honaa

Haidar Ali Aatish
Sher

dil-e-aafat-zada kaa mudda.aa kyaa
shikasta saaz kyaa us kii sadaa kyaa

Seemab Akbarabadi
Sher

ek kaafir par tabii.at aa ga.ii
paarsaa.ii par bhii aafat aa ga.ii

Akbar Allahabadi
Sher

faqat umiid hai baKHshish kii terii rahmat se
vagarna afv ke qaabil mire gunaah nahii.n

Abad Lakhnavi
Sher

mirii zindagii kii ziinat hu.ii aafat-o-balaa se
mai.n vo zulf-e-KHam-ba-KHam huu.n jo sa.nvar ga.ii havaa se

Parvez Shahidi
Sher

duKHtar-e-raz ne uThaa rakkhii hai aafat sar par
KHairiyat guzrii ki anguur ke beTaa na hu.aa

Akbar Allahabadi
Sher

baat dil kii zabaan par aa.ii
aafat ab merii jaan par aa.ii

Riyaz Khairabadi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now