Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "bachcho"

Sher MATCHES FOR "bachcho"

Sher

bachcho.n ke chhoTe haatho.n ko chaa.nd sitaare chhuune do
chaar kitaabe.n pa.Dh kar ye bhii ham jaise ho jaa.e.nge

Nida Fazli
Sher

aur 'faraaz' chaahiye.n kitnii mohabbate.n tujhe
maa.o.n ne tere naam par bachcho.n kaa naam rakh diyaa

Ahmad Faraz
Sher

ghar se masjid hai bahut duur chalo yuu.n kar le.n
kisii rote hu.e bachche ko ha.nsaayaa jaa.e

Nida Fazli
Sher

ye soch ke maa.n baap kii KHidmat me.n lagaa huu.n
is pe.D kaa saayaa mire bachcho.n ko milegaa

Munawwar Rana
Sher

farishte aa kar un ke jism par KHushbuu lagaate hai.n
vo bachche rail ke Dibbo.n me.n jo jhaa.Duu lagaate hai.n

Munawwar Rana
Sher

mujh ko thakne nahii.n detaa ye zaruurat kaa pahaa.D
mere bachche mujhe buu.Dhaa nahii.n hone dete

Meraj Faizabadi
Sher

vo aksar din me.n bachcho.n ko sulaa detii hai is Dar se
galii me.n phir khilaune bechne vaalaa na aa jaa.e

Mohsin Naqvi
Sher

bhuuk chehro.n pe liye chaa.nd se pyaare bachche
bechte phirte hai.n galiyo.n me.n Gubaare bachche

Bedil Haidri
Sher

tire KHayaal ke haatho.n kuchh aisaa bikhraa huu.n
ki jaise bachcha kitaabe.n idhar udhar kar de

Waseem Barelvi
Sher

jitnii burii kahii jaatii hai utnii burii nahii.n hai duniyaa
bachcho.n ke school me.n shaayad tum se milii nahii.n hai duniyaa

Nida Fazli
Sher

shaam ko jis vaqt KHaalii haath ghar jaataa huu.n mai.n
muskuraa dete hai.n bachche aur mar jaataa huu.n mai.n

Rajesh Reddy
Sher

kisii ne rakh diye mamtaa-bhare do haath kyaa sar par
mire andar ko.ii bachcha bilak kar rone lagtaa hai

Waseem Barelvi
Sher

chup-chaap baiThe rahte hai.n kuchh bolte nahii.n
bachche biga.D ga.e hai.n bahut dekh-bhaal se

Adil Mansuri
Sher

bachcho.n kii fees un kii kitaabe.n qalam davaat
merii Gariib aa.nkho.n me.n school chubh gayaa

Munawwar Rana
Sher

bachche fareb khaa ke chataa.ii pe so ga.e
ik maa.n ubaaltii rahii pathar tamaam raat

Abdul Majid Nashtar Jabalpuri
Sher

jab chalii ThanDii havaa bachcha ThiThur kar rah gayaa
maa.n ne apne la.al kii taKHtii jalaa dii raat ko

Sibt Ali Saba
Sher

jugnuu ko din ke vaqt parakhne kii zid kare.n
bachche hamaare ahd ke chaalaak ho ga.e

Parveen Shakir
Sher

bachche merii u.nglii thaame dhiire dhiire chalte the
phir vo aage dau.D ga.e mai.n tanhaa piichhe chhuuT gayaa

Khalid Mahmood
Sher

daulat se mohabbat to nahii.n thii mujhe lekin
bachcho.n ne khilauno.n kii taraf dekh liyaa thaa

Munawwar Rana
Sher

ham tire shauq me.n yuu.n KHud ko ga.nvaa baiThe hai.n
jaise bachche kisii tyauhaar me.n gum ho jaa.e.n

Ahmad Faraz
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now