SEARCH RESULTS
Showing search results for "haakim"
Sher MATCHES FOR "haakim"
Sher
thaa iraada tirii fariyaad kare.n haakim se
vo bhii ai shoKH tiraa chaahne vaalaa niklaa
Nazeer Akbarabadi
Sher
jab se tuu ne mujhe diivaana banaa rakkhaa hai
sa.ng har shaKHs ne haatho.n me.n uThaa rakkhaa hai
Hakeem Nasir
Sher
aql ayyaar hai sau bhes badal letii hai
ishq bechaara na zaahid hai na mullaa na hakiim
Allama Iqbal
Sher
dard ko rahne bhii de dil me.n davaa ho jaa.egii
maut aa.egii to ai hamdam shifaa ho jaa.egii
Hakim Mohammad Ajmal Khan Shaida
Sher
duniyaa bas is se aur ziyaada nahii.n hai kuchh
kuchh roz hai.n guzaarne aur kuchh guzar ga.e
Hakim Mohammad Ajmal Khan Shaida
Sher
aap kyaa aa.e ki ruKHsat sab andhere ho ga.e
is qadar ghar me.n kabhii bhii raushnii dekhii na thii
Hakeem Nasir
Sher
vo mujhe chho.D ke ik shaam ga.e the 'naasir'
zindagii apnii usii shaam se aage na ba.Dhii
Hakeem Nasir
Sher
pattharo aaj mire sar pe baraste kyuu.n ho
mai.n ne tum ko bhii kabhii apnaa KHudaa rakkhaa hai
Hakeem Nasir
Sher
shahr ke aa.iin me.n ye mad bhii likkhii jaa.egii
zinda rahnaa hai to qaatil kii sifaarish chaahiye
Hakeem Manzoor
Sher
charchaa hamaaraa ishq ne kyuu.n jaa-ba-jaa kiyaa
dil us ko de diyaa to bhalaa kyaa buraa kiyaa
Hakim Mohammad Ajmal Khan Shaida
Sher
us ke dil par bhii ka.Dii ishq me.n guzrii hogii
naam jis ne bhii mohabbat kaa sazaa rakkhaa hai
Hakeem Nasir
Sher
Hakeem Nasir
Sher
har ek aa.nkh ko kuchh TuuTe KHvaab de ke gayaa
vo zindagii ko ye kaisaa azaab de ke gayaa
Hakeem Manzoor
Sher
ye dard hai hamdam usii zaalim kii nishaanii
de mujh ko davaa aisii ki aaraam na aa.e
Hakeem Nasir
Sher
kartaa mai.n dardmand tabiibo.n se kyaa rujuu.a
jis ne diyaa thaa dard ba.Daa vo hakiim thaa
Ameer Minai
Sher
aasaan kis qadar hai samajh lo miraa pata
bastii ke baad pahlaa jo viiraana aa.egaa
Hakeem Nasir
Sher
ruKHsaar par hai ra.ng-e-hayaa kaa faroG aaj
bose kaa naam mai.n ne liyaa vo nikhar ga.e
Hakim Mohammad Ajmal Khan Shaida
Sher
ik baar aur merii ayaadat ko aa.iye
achchhii tarah se mai.n abhii achchhaa hu.aa nahii.n
