Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "jaatak"

Sher MATCHES FOR "jaatak"

Sher

achchhaa KHaasaa baiThe baiThe gum ho jaataa huu.n
ab mai.n aksar mai.n nahii.n rahtaa tum ho jaataa huu.n

Anwar Shuoor
Sher

dil aabaad kahaa.n rah paa.e us kii yaad bhulaa dene se
kamra viiraa.n ho jaataa hai ik tasviir haTaa dene se

Jaleel 'Aali'
Sher

dil ko tirii chaahat pe bharosa bhii bahut hai
aur tujh se bichha.D jaane kaa Dar bhii nahii.n jaataa

Ahmad Faraz
Sher

aasmaa.n itnii bulandii pe jo itraataa hai
bhuul jaataa hai zamii.n se hii nazar aataa hai

Waseem Barelvi
Sher

ra.nj se KHuugar hu.aa insaa.n to miT jaataa hai ra.nj
mushkile.n mujh par pa.Dii.n itnii ki aasaa.n ho ga.ii.n

Mirza Ghalib
Sher

vo zahr detaa to sab kii nigah me.n aa jaataa
so ye kiyaa ki mujhe vaqt pe davaa.e.n na dii.n

Akhtar Nazmi
Sher

ab is ghar kii aabaadii mehmaano.n par hai
ko.ii aa jaa.e to vaqt guzar jaataa hai

Zehra Nigaah
Sher

rahne ko sadaa dahr me.n aataa nahii.n ko.ii
tum jaise ga.e aise bhii jaataa nahii.n ko.ii

Kaifi Azmi
Sher

vo din ga.e ki mohabbat thii jaan kii baazii
kisii se ab ko.ii bichh.De to mar nahii.n jaataa

Waseem Barelvi
Sher

vo mujh ko chho.D ke jis aadmii ke paas gayaa
baraabarii kaa bhii hotaa to sabr aa jaataa

Parveen Shakir
Sher

chalaa jaataa huu.n ha.nstaa kheltaa mauj-e-havaadis se
agar aasaaniyaa.n ho.n zindagii dushvaar ho jaa.e

Asghar Gondvi
Sher

vo ek hii chehra to nahii.n saare jahaa.n me.n
jo duur hai vo dil se utar kyuu.n nahii.n jaataa

Nida Fazli
Sher

ba.De azaab me.n huu.n mujh ko jaan bhii hai aziiz
sitam ko dekh ke chup bhii rahaa nahii.n jaataa

Zeb Ghauri
Sher

be-naam saa ye dard Thahar kyuu.n nahii.n jaataa
jo biit gayaa hai vo guzar kyuu.n nahii.n jaataa

Nida Fazli
Sher

ghar se nikal kar jaataa huu.n mai.n roz kahaa.n
ik din apnaa piichhaa kar ke dekhaa jaa.e

Bharat Bhushan Pant
Sher

haar ho jaatii hai jab maan liyaa jaataa hai
jiit tab hotii hai jab Thaan liyaa jaataa hai

Shakeel Azmi
Sher

tum husn kii KHud ik duniyaa ho shaayad ye tumhe.n maaluum nahii.n
mahfil me.n tumhaare aane se har chiiz pe nuur aa jaataa hai

Sahir Ludhianvi
Sher

kyaa kahe.n kuchh kahaa nahii.n jaataa
ab to chup bhii rahaa nahii.n jaataa

Meer Taqi Meer
Sher

adaa se dekh lo jaataa rahe gila dil kaa
bas ik nigaah pe Thahraa hai faisla dil kaa

Asad Ali Khan Qalaq
Sher

sab kuchh to hai kyaa Dhuu.nDtii rahtii hai.n nigaahe.n
kyaa baat hai mai.n vaqt pe ghar kyuu.n nahii.n jaataa

Nida Fazli
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now