Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "junuun"

Sher MATCHES FOR "junuun"

Sher

mire junuu.n kaa natiija zaruur niklegaa
isii siyaah samundar se nuur niklegaa

Ameer Qazalbash
Sher

kisii bevafaa kii KHaatir ye junuu.n 'faraaz' kab tak
jo tumhe.n bhulaa chukaa hai use tum bhii bhuul jaa.o

Ahmad Faraz
Sher

kyaa kyaa hu.aa hai ham se junuu.n me.n na puuchhiye
uljhe kabhii zamii.n se kabhii aasmaa.n se ham

Asrarul Haq Majaz
Sher

ai junuu.n phir mire sar par vahii shaamat aa.ii
phir pha.nsaa zulfo.n me.n dil phir vahii aafat aa.ii

Aasi Ghazipuri
Sher

bak rahaa huu.n junuu.n me.n kyaa kyaa kuchh
kuchh na samjhe KHudaa kare ko.ii

Mirza Ghalib
Sher

unhii.n ke faiz se baazaar-e-aql raushan hai
jo gaah gaah junuu.n iKHtiyaar karte rahe

Faiz Ahmad Faiz
Sher

ik baar tujhe aql ne chaahaa thaa bhulaanaa
sau baar junuu.n ne tirii tasviir dikhaa dii

Mahirul Qadri
Sher

ko.ii ai 'shakiil' puuchhe ye junuu.n nahii.n to kyaa hai
ki usii ke ho ga.e ham jo na ho sakaa hamaaraa

Shakeel Badayuni
Sher

KHabar-e-tahayyur-e-ishq sun na junuu.n rahaa na parii rahii
na to tuu rahaa na to mai.n rahaa jo rahii so be-KHabarii rahii

Siraj Aurangabadi
Sher

tumhaarii maslahat achchhii ki apnaa ye junuu.n behtar
sambhal kar girne vaalo ham to gir gir kar sambhle hai.n

Aale Ahmad Suroor
Sher

mujh se kahaa jibriil-e-junuu.n ne ye bhii vahi-e-ilaahii hai
maz.hab to bas mazhab-e-dil hai baaqii sab gumraahii hai

Majrooh Sultanpuri
Sher

ham ko junuu.n kyaa sikhlaate ho ham the pareshaa.n tum se ziyaada
chaak kiye hai.n ham ne aziizo chaar garebaa.n tum se ziyaada

Majrooh Sultanpuri
Sher

kamii na kii tire vahshii ne KHaak u.Daane me.n
junuu.n kaa naam uchhaltaa rahaa zamaane me.n

Firaq Gorakhpuri
Sher

zamaana aql ko samjhaa hu.aa hai mish.al-e-raah
kise KHabar ki junuu.n bhii hai saahib-e-idraak

Allama Iqbal
Sher

ek se ek junuu.n kaa maaraa is bastii me.n rahtaa hai
ek hamii.n hushiyaar the yaaro ek hamii.n bad-naam hu.e

Ibn e Insha
Sher

mai.n ab to ai junuu.n tire haatho.n se ta.ng huu.n
laa.uu.n kahaa.n se roz garebaa.n na.e na.e

Niyaz Fatehpuri
Sher

vo harf-e-raaz ki mujh ko sikhaa gayaa hai junuu.n
KHudaa mujhe nafas-e-jabra.iil de to kahuu.n

Allama Iqbal
Sher

jalaa ke mish.al-e-jaa.n ham junuu.n-sifaat chale
jo ghar ko aag lagaa.e hamaare saath chale

Majrooh Sultanpuri
Sher

yahii fasaana rahaa hai junuu.n ke sahraa me.n
kabhii firaaq ke qisse kabhii visaal kii baat

Indira Varma
Sher

mere junuu.n ko zulf ke saa.e se duur rakh
raste me.n chhaa.nv paa ke musaafir Thahar na jaa.e

Fani Badayuni
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now