Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "kaaTuu.n"

Sher MATCHES FOR "kaaTuu.n"

Sher

shabaan-e-hijraa.n daraaz chuu.n zulf roz-e-vaslat chuu umr kotaah
sakhii piyaa ko jo mai.n na dekhuu.n to kaise kaaTuu.n a.ndherii ratiyaa.n

Ameer Khusrau
Sher

maze me.n ab talak baiThaa mai.n apne ho.nTh chaaTuu.n huu.n
liyaa thaa KHvaab me.n bosa jo yak shab seb-e-GabGab kaa

Mushafi Ghulam Hamdani
Sher

tuu hii bataa de kaise kaaTuu.n
raat aur aisii kaalii raat

Zaki kakorvi
Sher

kahaa mai.n ne ki jannat par razaa-e-dost faa.iq hai
razaa-e-dost bolii be-KHabar mai.n hii to jannat huu.n

Zahida Khatoon Zahida
Sher

jaisii nigaah thii tirii vaisaa fusuu.n hu.aa
jo kuchh tire KHayaal me.n thaa juu.n-kaa-tuu.n hu.aa

Khalid Iqbal Yasir
Sher

KHaatuun rahnumaa se jo shaadii hu.ii mirii
jamhuuriyat kaa husn mire ghar me.n aa gayaa

Badr Muneer
Sher

is saadgii pe kaun na mar jaa.e ai KHudaa
la.Dte hai.n aur haath me.n talvaar bhii nahii.n

Mirza Ghalib
Sher

ko.ii samjhe to ek baat kahuu.n
ishq taufiiq hai gunaah nahii.n

Firaq Gorakhpuri
Sher

kaun is ghar kii dekh-bhaal kare
roz ik chiiz TuuT jaatii hai

Jaun Eliya
Sher

kaun rotaa hai kisii aur kii KHaatir ai dost
sab ko apnii hii kisii baat pe ronaa aayaa

Sahir Ludhianvi
Sher

aah ko chaahiye ik umr asar hote tak
kaun jiitaa hai tirii zulf ke sar hote tak

Mirza Ghalib
Sher

puuchhte hai.n vo ki 'Gaalib' kaun hai
ko.ii batlaa.o ki ham batlaa.e.n kyaa

Mirza Ghalib
Sher

kyaa kahuu.n tum se mai.n ki kyaa hai ishq
jaan kaa rog hai balaa hai ishq

Meer Taqi Meer
Sher

kaun sii baat hai tum me.n aisii
itne achchhe kyuu.n lagte ho

Mohsin Naqvi
Sher

kuchh KHabar hai tujhe o chain se sone vaale
raat bhar kaun tirii yaad me.n bedaar rahaa

Hijr Nazim Ali Khan
Sher

tujhe kaun jaantaa thaa mirii dostii se pahle
tiraa husn kuchh nahii.n thaa mirii shaa.irii se pahle

Kaif Bhopali
Sher

dushmano.n ke saath mere dost bhii aazaad hai.n
dekhnaa hai khii.nchtaa hai mujh pe pahlaa tiir kaun

Parveen Shakir
Sher

kaun kahtaa hai ki maut aa.ii to mar jaa.uu.ngaa
mai.n to dariyaa huu.n samundar me.n utar jaa.uu.ngaa

Ahmad Nadeem Qasmi
Sher

agar talaash karuu.n ko.ii mil hii jaa.egaa
magar tumhaarii tarah kaun mujh ko chaahegaa

Bashir Badr
Sher

kyaa kahuu.n us se ki jo baat samajhtaa hii nahii.n
vo to milne ko mulaaqaat samajhtaa hii nahii.n

Fatima Hasan
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now