Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "khojtaa"

Sher MATCHES FOR "khojtaa"

Sher

chaa.nd me.n darvesh hai jugnuu me.n jogii
kaun hai vo aur kis ko khojtaa hai

Ahmad Shanas
Sher

ye jabr bhii dekhaa hai taariiKH kii nazro.n ne
lamho.n ne KHataa kii thii sadiyo.n ne sazaa paa.ii

Muzaffar Razmi
Sher

chalaa jaataa huu.n ha.nstaa kheltaa mauj-e-havaadis se
agar aasaaniyaa.n ho.n zindagii dushvaar ho jaa.e

Asghar Gondvi
Sher

jis khet se dahqaa.n ko mayassar nahii.n rozii
us khet ke har KHosha-e-gandum ko jalaa do

Allama Iqbal
Sher

Gam kii baarish ne bhii tere naqsh ko dhoyaa nahii.n
tuu ne mujh ko kho diyaa mai.n ne tujhe khoyaa nahii.n

Muneer Niyazi
Sher

use kyuu.n ham ne diyaa dil jo hai be-mehrii me.n kaamil jise aadat hai jafaa kii
jise chi.Dh mehr-o-vafaa kii jise aataa nahii.n aanaa Gam-o-hasrat kaa miTaanaa jo sitam me.n hai yagaana
jise kahtaa hai zamaana but-e-be-mahr-o-daGaa-baz jafaa-pesha fusuu.n-saaz sitam-KHaana-bar-andaaz
Gazab jis kaa har ik naaz nazar fitna mizha tiir balaa zulf-e-girah-giir Gam-o-ra.nj kaa baanii qalaq-o-dard
kaa muujib sitam-o-jaur kaa ustaad jafaa-kaarii me.n maahir jo sitam-kesh-o-sitam-gar jo sitam-pesha hai
dilbar jise aatii nahii.n ulfat jo samajhtaa nahii.n chaahat jo tasallii ko na samjhe jo tashaffii ko na
jaane jo kare qaul na puuraa kare har kaam adhuuraa yahii din-raat tasavvur hai ki naahaq
use chaahaa jo na aa.e na bulaa.e na kabhii paas biThaa.e na ruKH-e-saaf dikhaa.e na ko.ii
baat sunaa.e na lagii dil kii bujhaa.e na kalii dil kii khilaa.e na Gam-o-ra.nj ghaTaa.e na rah-o-rasm
ba.Dhaa.e jo kaho kuchh to KHafaa ho kahe shikve kii zaruurat jo yahii hai to na chaaho jo na
chaahoge to kyaa hai na nibaahoge to kyaa hai bahut itraa.o na dil de ke ye kis kaam kaa dil
hai Gam-o-andoh kaa maaraa abhii chaahuu.n to mai.n rakh duu.n ise talvo.n se masal kar abhii mu.nh
dekhte rah jaa.o ki hai.n un ko hu.aa kyaa ki inho.n ne miraa dil le ke mire haath se khoyaa

Muztar Khairabadi
Sher

aaj bahut din baa'd mai.n apne kamre tak aa niklaa thaa
juu.n hii darvaaza kholaa hai us kii KHushbuu aa.ii hai

Jaun Eliya
Sher

KHushbuu jaise log mile afsaane me.n
ek puraanaa KHat kholaa anjaane me.n

Gulzar
Sher

mujh ko KHvaahish hii Dhuu.nDne kii na thii
mujh me.n khoyaa rahaa KHudaa meraa

Jaun Eliya
Sher

ye to kahiye is KHataa kii kyaa sazaa
mai.n jo kah duu.n aap par martaa huu.n mai.n

Dagh Dehlvi
Sher

aadmii jaan ke khaataa hai mohabbat me.n fareb
KHud-farebii hii mohabbat kaa sila ho jaise

Iqbal Azeem
Sher

har galii kuuche me.n rone kii sadaa merii hai
shahr me.n jo bhii hu.aa hai vo KHataa merii hai

Farhat Ehsas
Sher

be-KHudii me.n le liyaa bosa KHataa kiije mu.aaf
ye dil-e-betaab kii saarii KHataa thii mai.n na thaa

Meerza Abul Muzaffar Zafar
Sher

kyaa kahuu.n kis tarah se jiitaa huu.n
Gam ko khaataa huu.n aa.nsuu piitaa huu.n

Syed Mohammad Meer Asar
Sher

us se milne kii KHushii baa'd me.n dukh detii hai
jashn ke baa'd kaa sannaaTaa bahut khaltaa hai

Moin Shadab
Sher

khultaa kisii pe kyuu.n mire dil kaa mo.aamla
shero.n ke intiKHaab ne rusvaa kiyaa mujhe

Mirza Ghalib
Sher

darvaaza jo kholaa to nazar aa.e kha.De vo
hairat hai mujhe aaj kidhar bhuul pa.De vo

Parveen Shakir
Sher

maa.ngne vaalo.n ko kyaa izzat o rusvaa.ii se
dene vaalo.n kii amiirii kaa bharam khultaa hai

Waheed Akhtar
Sher

khoyaa hai kuchh zaruur jo us kii talaash me.n
har chiiz ko idhar se udhar kar rahe hai.n ham

Ahmad Mushtaq
Sher

ham jurm-e-mohabbat kii sazaa paa.e.nge tanhaa
jo tujh se hu.ii ho vo KHataa saath liye jaa

Sahir Ludhianvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now