Search result for "la.Daa.iyaa.n" | Category - Couplet, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "la.Daa.iyaa.n"

Sher MATCHES FOR "la.Daa.iyaa.n"

Sher

jis dil-rubaa se ham ne aa.nkhe.n la.Daa.iyaa.n hai.n
aaKHir usii ne ham ko aa.nkhe.n dikhaaiyaa.n hai.n

Fani Badayuni

Sher

qismat me.n kyaa hai dekhe.n jiite bache.n ki mar jaa.e.n
qaatil se ab to ham ne aa.nkhe.n la.Daa.iyaa.n hai.n

Taban Abdul Hai

Sher

husn ke samajhne ko umr chaahiye jaanaa.n
do gha.Dii kii chaahat me.n la.Dkiyaa.n nahii.n khultii.n

Parveen Shakir

Sher

la.Dkiyo.n ke dukh ajab hote hai.n sukh us se ajiib
ha.ns rahii hai.n aur kaajal bhiigtaa hai saath saath

Parveen Shakir

Sher

la.Dne ko dil jo chaahe to aa.nkhe.n la.Daa.iye
ho ja.ng bhii agar to mazedaar ja.ng ho

Lala Madhav Ram Jauhar

Sher

la.Dkiyaa.n maa.o.n jaise muqaddar kyuu.n rakhtii hai.n
tan sahraa aur aa.nkh samundar kyuu.n rakhtii hai.n

Ishrat Afreen

Sher

ghar me.n rahte hu.e Gairo.n kii tarah hotii hai.n
la.Dkiyaa.n dhaan ke paudo.n kii tarah hotii hai.n

Munawwar Rana

Sher

ghaTaa dekh kar KHush hu.ii.n la.Dkiyaa.n
chhato.n par khile phuul barsaat ke

Muneer Niyazi

Sher

javaan gehuu.n ke kheto.n ko dekh kar ro de.n
vo la.Dkiyaa.n ki jinhe.n bhuul baiThii.n maa.e.n bhii

Kishwar Naheed

Sher

mai.n ne majnuu.n pe la.Dakpan me.n 'asad'
sang uThaayaa thaa ki sar yaad aayaa

Mirza Ghalib

Sher

band hotii kitaabo.n me.n u.Dtii hu.ii titliyaa.n Daal dii.n
kis kii rasmo.n kii jaltii hu.ii aag me.n la.Dkiyaa.n Daal dii.n

Noshi Gilani

Sher

nahaa kar bhiige baalo.n ko sukhaatii
chhato.n par la.Dkiyaa.n achchhii lagii hai.n

Mohammad Alvi

Sher

'betaab' la.Dkiyo.n kii jasaarat to dekhiye
KHud ko shumaar kartii hai.n sab apsaraa.o.n me.n

Saleem Betab

Sher

hilaal o badr dono.n me.n 'amiir' un kii tajallii hai
ye KHaaka hai javaanii kaa vo naqsha hai la.Dakpan kaa

Ameer Minai

Sher

laraz rahii hai zamii.n sahmii la.Dkiyo.n kii tarah
pukaartii hai ki tanhaa na chho.D kar jaanaa

Kishwar Naheed

Sher

tujh aisii narm garm ka.ii la.Dkiyo.n ke saath
mai.n ne shab-e-firaaq Dubo dii sharaab me.n

Mansoor Aafaque

Sher

phir javaanii hai abhii kuchh hai la.Dakpan un kaa
do daGaa-baazo.n ke phande me.n hai joban un kaa

Mohammad Zakariyya Khan

Sher

mash.huur javaanii me.n ho vo kyuu.n na jagat-baaz
mailaan-e-tabii.at thaa la.Dakpan se zile par

Jurat Qalandar Bakhsh

Sher

vo la.Dkiyaa.n ki jo lagtii thii.n saada tahriire.n
pa.Dhii ga.ii.n to anokhii paheliyaa.n niklii.n

Malika Naseem

Sher

husn kii devii banii baiThii hai.n dil hai but-kada
chand muslim la.Dkiyo.n ne ham ko hinduu kar diyaa

Azhar Bakhsh Azhar

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now