Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "niichaa"

Sher MATCHES FOR "niichaa"

Sher

suuraj uu.nchaa ho kar mere aa.ngan me.n bhii aayaa hai
pahle niichaa thaa to uu.nche miinaaro.n par baiThaa thaa

Fazl Tabish
Sher

gardish-e-charKH nahii.n kam bhii hanDole se ki mahr
shaam ko maah se uu.nchaa hai sahar hai niichaa

Shah Naseer
Sher

aah-e-pechaa.n apnii aisii hai ki jis ke pech ko
pechvaa.n niichaa bhii teraa dekh kar KHam khaa.e hai

Abdul Rahman Ehsan Dehlvi
Sher

ye jo sar niiche kiye baiThe hai.n
jaan kitno.n kii liye baiThe hai.n

Jaleel Manikpuri
Sher

apnii tabaahiyo.n kaa mujhe ko.ii Gam nahii.n
tum ne kisii ke saath mohabbat nibhaa to dii

Sahir Ludhianvi
Sher

chale to paa.nv ke niiche kuchal ga.ii ko.ii shai
nashe kii jho.nk me.n dekhaa nahii.n ki duniyaa hai

Shahab Jafri
Sher

mujhe dost kahne vaale zaraa dostii nibhaa de
ye mutaalba hai haq kaa ko.ii iltijaa nahii.n hai

Shakeel Badayuni
Sher

tumhaare paa.o.n ke niiche ko.ii zamiin nahii.n
kamaal ye hai ki phir bhii tumhe.n yaqiin nahii.n

Dushyant Kumar
Sher

ek ke ghar kii KHidmat kii aur ek ke dil se mohabbat kii
dono.n farz nibhaa kar us ne saarii umr ibaadat kii

Zehra Nigaah
Sher

laa.ii na aiso.n-vaiso.n ko KHaatir me.n aaj tak
uu.nchii hai kis qadar tirii niichii nigaah bhii

Firaq Gorakhpuri
Sher

kabhii KHaak vaalo.n kii baate.n bhii sun
kabhii aasmaano.n se niiche utar

Adil Mansuri
Sher

uu.nche niiche ghar the bastii me.n bahut
zalzale ne sab baraabar kar diye

Zubair Ali Tabish
Sher

jabii.n par saadgii niichii nigaahe.n baat me.n narmii
muKHaatib kaun kar saktaa hai tum ko lafz-e-qaatil se

Hasrat Mohani
Sher

jaante the dono.n ham us ko nibhaa sakte nahii.n
us ne va.ada kar liyaa mai.n ne bhii va.ada kar liyaa

Muneer Niyazi
Sher

jiye jaate hai.n pastii me.n tire saare jahaa.n vaale
kabhii niiche bhii nazre.n Daal uu.nche aasmaa.n vaale

Muztar Khairabadi
Sher

kitaab-e-aarzuu ke gum-shuda kuchh baab rakkhe hai.n
tire takiye ke niiche bhii hamaare KHvaab rakkhe hai.n

Ghulam Mohammad Qasir
Sher

pe.D ke niiche zaraa sii chhaa.nv jo us ko milii
so gayaa mazduur tan par boriyaa o.Dhe hu.e

Sharib Mauranwi
Sher

qayaamat hai tirii uThtii javaanii
Gazab Dhaane lagii.n niichii nigaahe.n

Bekhud Dehlvi
Sher

ik adaa ik hijaab ik shoKHii
niichii nazro.n me.n kyaa nahii.n hotaa

Asghar Gondvi
Sher

use le kar jo gaa.Dii jaa chukii hai
mai.n shaayad us ke niiche aa rahaa huu.n

Fahmi Badayuni
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now