SEARCH RESULTS
Showing search results for "palak"
Sher MATCHES FOR "palak"
Sher
agar palak pe hai motii to ye nahii.n kaafii
hunar bhii chaahiye alfaaz me.n pirone kaa
Javed Akhtar
Sher
nigah uThii to zamaane ke saamne tiraa ruup
palak jhukii to mire dil ke ruu-ba-ruu tiraa Gam
Majeed Amjad
Sher
muddat hu.ii palak se palak aashnaa nahii.n
kyaa is se ab ziyaada kare intizaar chashm
Shaikh Zahuruddin Hatim
Sher
ai nuur-e-jaan-o-diida tire intizaar me.n
muddat hu.ii palak suu.n palak aashnaa na.ii.n
Wali Dakni
Sher
palak jhapakne me.n kuchh KHvaab TuuT jaate hai.n
jo but-shikan hai vahii lamha but-taraash bhii thaa
Tanveer Ahmad Alvi
Sher
palak fasaana sharaarat hijaab tiir du.aa
tamannaa nii.nd ishaara KHumaar saKHt thakii
Shahzad Qais
Sher
yuu.n palak par jagmagaanaa do gha.Dii kaa aish hai
raushnii ban kar mire andar hii andar phail jaa
Muzaffar Hanfi
Sher
Meer Hasan
Sher
ai nuur-e-nazar muntazir-e-vasl huu.n aa jaa
do paaT palak ke nahii.n darvaaza hu.aa mahz
Siraj Aurangabadi
Sher
jab se terii nazar pa.Dii hai jhalak
tab se lagtii nahii.n palak se palak
Shaikh Zahuruddin Hatim
Sher
dil me.n aa raah-e-chashm-e-hairaa.n sii.n
khul rahe hai.n mirii palak ke paaT
Siraj Aurangabadi
Sher
fazaa-e-shahr ba.Dii KHush-gavaar thii lekin
palak jhapakte hii kaisaa ajiib manzar thaa
Shafiq Aazmi
Sher
haram-e-paak bhii allaah bhii qur.aan bhii ek
kuchh ba.Dii baat thii hote jo musalmaan bhii ek
Allama Iqbal
Sher
dil se niklegii na mar kar bhii vatan kii ulfat
merii miTTii se bhii KHushbuu-e-vafaa aa.egii
Lal Chand Falak
Sher
na paak hogaa kabhii husn o ishq kaa jhag.Daa
vo qissa hai ye ki jis kaa ko.ii gavaah nahii.n
Haidar Ali Aatish
Sher
Munawwar Rana
Sher
mat sahl hame.n jaano phirtaa hai falak barso.n
tab KHaak ke parde se insaan nikalte hai.n
Meer Taqi Meer
Sher
falak pe chaa.nd sitaare nikalte hai.n har shab
sitam yahii hai nikaltaa nahii.n hamaaraa chaa.nd
