Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "pesha"

Sher MATCHES FOR "pesha"

Sher

jise kahtaa hai zamaana but-e-be-mahr-o-daGaa-baz jafaa-pesha fusuu.n-saaz sitam-KHaana-bar-andaaz
Gazab jis kaa har ik naaz nazar fitna mizha tiir balaa zulf-e-girah-giir Gam-o-ra.nj kaa baanii qalaq-o-dard

Muztar Khairabadi
Sher

fareb khaane ko pesha banaa liyaa ham ne
jab ek baar vafaa kaa fareb khaa baiThe

Ahmad Nadeem Qasmi
Sher

jaa.n-kanii pesha ho jis kaa vo lahak hai teraa
tujh pe shiirii.n hai na 'KHusrav' kaa na farhaad kaa haq

Abdul Rahman Ehsan Dehlvi
Sher

KHudaayaa yuu.n bhii ho ki us ke haatho.n qatl ho jaa.uu.n
vahii ik aisaa qaatil hai jo pesha-var nahii.n lagtaa

Ahmad Kamal Parwazi
Sher

ham is shahr-e-jafaa-pesha se kuchh ummiid kyaa rakkhe.n
yahaa.n is haav-huu me.n KHaamushii ko kaun likkhegaa

Hijab Abbasi
Sher

log tum se bhii sitam-pesha kahaa.n hote hai.n
jo kahii.n kaa na rakhe.n aur phir apnaa na kahe.n

Shaanul Haq Haqqi
Sher

kuchh kamaayaa nahii.n baazaar-e-KHabar me.n rah kar
band dukkaan kare.n be-KHabarii pesha kare.n

Moin Najmi
Sher

nayaa mazmuun laanaa kaaTnaa koh-o-jabal kaa hai
nahii.n ham sher kahte pesha-e-farhaad kahte hai.n

Asad Ali Khan Qalaq
Sher

mai.n charaaG se jalaa charaaG huu.n
raushnii hai pesha KHaandaan kaa

Irshad Khan Sikandar
Sher

udaasii kii tijaarat kar rahe hai.n
firaaq-e-yaar hai pesha hamaaraa

Mahwar Sirsivi
Sher

mai.n chaahtaa thaa ki us ko gulaab pesh karuu.n
vo KHud gulaab thaa us ko gulaab kyaa detaa

Afzal Allahabadi
Sher

mere KHvaabo.n me.n bhii tuu mere KHayaalo.n me.n bhii tuu
kaun sii chiiz tujhe tujh se judaa pesh karuu.n

Sahir Ludhianvi
Sher

hamaare pesh-e-nazar manzile.n kuchh aur bhii thii.n
ye haadsa hai ki ham tere paas aa pahu.nche

Shahzad Ahmad
Sher

justujuu karnii har ik amr me.n naadaanii hai
jo ki peshaanii pe likkhii hai vo pesh aanii hai

Imam Bakhsh Nasikh
Sher

shaiKH apnii rag ko kyaa kare.n reshe ko kyaa kare.n
maz.hab ke jhag.De chho.De.n to peshe ko kyaa kare.n

Akbar Allahabadi
Sher

buraa ho aa.ii.ne tiraa mai.n kaun huu.n na khul sakaa
mujhii ko pesh kar diyaa gayaa mirii misaal me.n

Abdul Ahad Saaz
Sher

maayuusii-e-ma.aal-e-mohabbat na puuchhiye
apno.n se pesh aa.e hai.n begaanagii se ham

Sahir Ludhianvi
Sher

mohabbat aam saa ik vaaqi.a thaa
hamaare saath pesh aane se pahle

Sarfraz Zahid
Sher

dil me.n apne aarzuu sab kuchh hai aur phir kuchh nahii.n
do jahaa.n kii justujuu sab kuchh hai aur phir kuchh nahii.n

George Puech Shor
Sher

roz-e-hisaab jab miraa pesh ho daftar-e-amal
aap bhii sharmsaar ho mujh ko bhii sharmsaar kar

Allama Iqbal
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now