کی تلاش کا نتیجه | موضو - نظم, صفحہ elaan-e-faiz-e-aam

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "elaan-e-faiz-e-aam"

نظم کے متعلقہ نتیجہ "elaan-e-faiz-e-aam"

نظم

یکساں نزدیک و دور پہ تھا باران فیض عام ترا
ہر دشت و چمن ہر کوہ و دمن میں گونجا ہے پیغام ترا

آنند نرائن ملا

نظم

میں کڑی ہوں گئے زمانوں کی
شہر ماضی کے خاک دانوں کی
راکھ ہوتے ہوئے جہانوں کی
بھولے بسرے ہوئے فسانوں کی

نور شمع نور

نظم

وہ بشر جو پڑھ کے بھی کہتا ہو یوں
بن کے طالب اور کچھ حاصل کروں
کوئی شک اس کی فضیلت میں نہیں
اس کا رتبہ ہے فرشتوں سے فزوں
وہ بشر کچھ بھی نہ آتا ہو جسے
لیکن اس کو شوق ہو عالم بنوں
اپنی بے علمی کا اس کو علم ہے
نا مناسب ہے اسے جاہل گنوں
وہ بشر جو ہو نرا احمق مگر
خود سمجھتا ہو کہ دانش‌‌ مند ہوں
موت ہے اس کی حماقت کا علاج
وہ رہے گا عمر بھر خوار و زبوں
ہر بشر اے فیضؔ یہ کوشش کرے
جس طرح بھی ہو جہالت سے بچوں

فیض لدھیانوی

نظم

اٹھ از سر نو دہر کے حالات بدل ڈال
تدبیر سے تقدیر کے دن رات بدل ڈال
پھر درس مساوات کی حاجت ہے جہاں کو
آقائی و خدمت کے خطابات بدل ڈال
کالا ہو کہ گورا ہو خدا ایک ہے سب کا
قومیت بے جا کی روایات بدل ڈال
چینی ہو کہ ہندی ہو برابر کے ہیں بھائی
وطنیت محدود کے وہمات بدل ڈال
کل چھوٹے بڑے آدم خاکی کے ہیں فرزند
ہر نسل سے بیزار ہو ہر ذات بدل ڈال
اخلاق میں طاقت ہے فزوں تیغ و سناں سے
پیکار کے یہ آہنی آلات بدل ڈال
کیا ظلم ہے انسان ہو انسان کا دشمن
مردان ہوس کار کی عادات بدل ڈال
محنت سے بھی مزدور کو روٹی نہیں ملتی
اس بندۂ مجبور کے اوقات بدل ڈال
آپس میں یہ ہر روز کی خونریزیاں کب تک
خود ساختہ مذہب کی رسومات بدل ڈال
حریت کامل کا وہ اعجاز دکھا تو
دنیائے غلامی کے طلسمات بدل ڈال
خلقت کو بلا شرک سے توحید کی جانب
پیروں کی فقیروں کی کرامات بدل ڈال
تعلیم پہ موقوف ہے رعنائی افکار
بیہودہ کتابوں کی خرافات بدل ڈال
کر فکر عمل ذکر خط و خال عبث ہے
اے فیضؔ ذرا اپنے خیالات بدل ڈال

فیض لدھیانوی

نظم

چشم نم جان شوریدہ کافی نہیں
تہمت عشق پوشیدہ کافی نہیں
آج بازار میں پا بہ جولاں چلو
دست افشاں چلو مست و رقصاں چلو
خاک بر سر چلو خوں بداماں چلو
راہ تکتا ہے سب شہر جاناں چلو
حاکم شہر بھی مجمع عام بھی
تیر الزام بھی سنگ دشنام بھی
صبح ناشاد بھی روز ناکام بھی
ان کا دم ساز اپنے سوا کون ہے
شہر جاناں میں اب با صفا کون ہے
دست قاتل کے شایاں رہا کون ہے

فیض احمد فیض

نظم

نیک بچے دل سے کرتے ہیں ادب استاد کا
باپ کی الفت سے بہتر ہے غضب استاد کا
عام لوگوں کی جہالت دور کرنے کے لیے
حق تعالی نے بنایا ہے سبب استاد کا
اس کی برکت سے جہاں میں پھیلتی ہیں نیکیاں
کیوں نہ پھر استاد سے راضی ہو رب استاد کا
کچھ نہ کچھ عمدہ سبق دیتی ہے اس کی زندگی
خلق سے خالی نہیں ہے کوئی ڈھب استاد کا
جس گھڑی نادان بچوں کو سکھاتا ہے وہ علم
چوم لیتے ہیں فرشتے آ کے لب استاد کا
بس اسے پڑھنے پڑھانے سے ہمیشہ کام ہے
کتنا اچھا مشغلہ ہے روز و شب استاد کا
خواہ ساری عمر اس کے پاؤں دھو دھو کر پئے
آدمی سے حق ادا ہوتا ہے کب استاد کا
امتحاں میں حل نہ ہو جس دم کوئی مشکل سوال
خود پسندوں کو پتا چلتا ہے تب استاد کا
شکر کے جذبات سے گردن جھکا لیتا ہوں میں
یاد آتا ہے مجھے احسان جب استاد کا
کل زمانے کی نگاہوں میں وہ عزت پائے گا
مرتبہ پہچان جائے گا جو اب استاد کا
اس کی عالمگیر حیثیت ہے شاہوں کی طرح
کل عجم استاد کا ہے کل عرب استاد کا
چل رہے ہیں آج دنیا میں ہزاروں محکمے
سچ اگر پوچھو تو ہے یہ فیضؔ سب استاد کا

فیض لدھیانوی

نظم

تیز سی تلوار سادہ سا قلم
بس یہی دو طاقتیں ہیں بیش و کم
ایک ہے جنگی شجاعت کا نشاں
ایک ہے علمی لیاقت کا نشاں
آدمی کی زندگی دونوں سے ہے
قوم کی تابندگی دونوں سے ہے
جو نہیں ڈرتے قلم کی مار سے
زیر کرتے ہیں انہیں تلوار سے
جب قلم پاتا نہیں کوئی سبیل
اس گھڑی تلوار ہے روشن دلیل
حکمرانی کو قلم درکار ہے
امن کی ضامن مگر تلوار ہے
علم کے میدان میں رازیؔ بنو
جنگ کے میدان میں غازی بنو
وقت پر مضمون لکھو زور دار
وقت پر ڈٹ کر لڑو مردانہ وار
وہ پڑھے لکھے جو بے تلوار ہیں
ان کی ساری ڈگریاں بیکار ہیں
بزم میں اشعار کے گوہر مفید
رزم میں تلوار کے جوہر مفید
آج تک جو بھی ہوا ہے با وقار
تھا کوئی جرنیل یا مضموں نگار
فیضؔ کو جتنا قلم سے پیار ہے
اتنی ہی پیاری اسے تلوار ہے

فیض لدھیانوی

نظم

جس قدر دنیا میں مخلوقات ہے
سب سے اشرف آدمی کی ذات ہے
اس کی پیدائش میں ہے الفت کا راز
اس کی ہستی پر ہے خود خالق کو ناز
اس کی خاطر کل جہاں پیدا ہوا
یہ زمیں یہ آسماں پیدا ہوا
عقل کا جوہر اسے بخشا گیا
علم کا زیور اسے بخشا گیا
اس کے سر میں ہے نہاں ایسا دماغ
جس میں روشن ہے لیاقت کا چراغ
سوچ کر ہر کام کر سکتا ہے یہ
شیر کو بھی رام کر سکتا ہے یہ
یہ صفائی سے چٹانیں توڑ دے
اپنی دانائی سے دریا موڑ دے
من چلا ہے اس کی ہمت ہے بلند
ڈال سکتا ہے ستاروں پر کمند
اس کو خطروں کی نہیں پروا ذرا
آگ میں کودا یہ سولی پر چڑھا
اس کے ہر انداز میں اعجاز ہے
عرش تک اس نور کی پرواز ہے
اس کی باتوں میں عجب تاثیر ہے
خاک کا پتلا نہیں اکسیر ہے
یہ اگر نیکی کے زینے پر چڑھے
ایک دن سارے فرشتوں سے بڑھے
اور اگر عصیاں کی دلدل میں پھنسے
اس کا درجہ کم ہو حیوانات سے
یہ کبھی روئی سے بڑھ کر نرم ہے
یہ کبھی سورج سے بڑھ کر گرم ہے
ایک حالت پر نہیں اس کا مزاج
ہر زمانے میں بدلتا ہے رواج
اور تھا پہلے یہ اب کچھ اور ہے
آئے دن اس کا نرالا طور ہے
اس نے بے حد روپ بدلے آج تک
اس کی تدبیروں سے حیراں ہے فلک
ڈاکٹر تاجر پروفیسر وکیل
ان کا ہونا ہے ترقی کی دلیل
اس کے پہلو میں وہ دل موجود ہے
جو بھڑکنے میں نرا بارود ہے
ریل گاڑی ریڈیو موٹر جہاز
اس کی ایجادوں کا قصہ ہے دراز
دست کاری میں بڑا مشاق ہے
جدتوں کا ہر گھڑی مشتاق ہے
کھول آنکھیں جنگ کی رفتار دیکھ
دیکھ اس کے خوفناک اوزار دیکھ
یہ کہیں حاکم کہیں محکوم ہے
یہ کہیں ظالم کہیں مظلوم ہے
آدمی جب غیر کے آگے جھکا
آدمیت سے بھٹکتا ہی گیا
آدمی ملنا بہت دشوار ہے
خود خدا کو آدمی درکار ہے
پیارے بچو آدمی بن کر رہو
ہر کسی کے ساتھ ہمدردی کرو
سچ اگر پوچھو تو بس وہ مرد ہے
جس کے دل میں دوسروں کا درد ہے
فیضؔ پہنچاتا نہیں جو آدمی
اس کو اپنی ذات سے ہے دشمنی
اس کو اپنی ذات سے ہے دشمنی

فیض لدھیانوی

نظم

اے کہ تو غفلت میں ہے ڈوبا ہوا
کام کرنا سیکھ تجھ کو کیا ہوا
آدمی ڈٹ کر اگر محنت کرے
پھر کما لے اپنا زر کھویا ہوا
غور سے دوبارہ پڑھ لینے کے بعد
یاد ہو جائے سبق بھولا ہوا
اور کمزوری میں ورزش کے طفیل
خوب موٹا ہو بدن سوکھا ہوا
لیکن اس دنیا میں ایسا کون ہے
وقت واپس لائے جو گزرا ہوا
جس نے اپنے فرض کی پروا نہ کی
ایک دن پچھتائے گا روتا ہوا
فیضؔ منزل پر پہنچ سکتا نہیں
کوئی سیدھی راہ سے بھٹکا ہوا

فیض لدھیانوی

نظم

کچھ کام کرو کچھ کام کرو
دنیا میں پیدا نام کرو
دن بھر محنت میں شاد رہو
جب رات پڑے آرام کرو
انجام خدا کے ہاتھ میں ہے
تم کوشش صبح و شام کرو
تکلیف سے راحت ملتی ہے
یہ سودا لو وہ دام کرو
ہمت سے آگے بڑھ جاؤ
بڑھ کر حاصل انعام کرو
ہمدردی سے غم خواری سے
ہر شخص کے دل کو رام کرو
لوگوں میں تمہاری قدر بڑھے
بچو کوئی ایسا کام کرو
تعلیم جہاں میں پھیلاؤ
اس فیضؔ کا چرچا عام کرو

فیض لدھیانوی

نظم

غور کے قابل ہے دنیا کا نظام
اس کا ہر ذرہ ہے عبرت کا مقام
جنگ سے ہوتی ہے پیدا مفلسی
مفلسی سے امن ہو جاتا ہے عام
امن میں قومیں کہاں لیتی ہیں مال
مال سے بڑھتا ہے کبر اے نیک نام
کبر ہے پھر پیش خیمہ جنگ کا
بس یہی چکر ہے جاری صبح و شام
آئے دن ہوتی ہیں یوں تبدیلیاں
کوئی آقا بن گیا کوئی غلام
آدمی کو زندگی میں چاہیے
ہر گھڑی کرتا رہے نیکی کے کام
نیکیوں کا فیضؔ جاری ہو اگر
خود بخود مٹ جائیں یہ جھگڑے تمام

فیض لدھیانوی

نظم

اس میں کیا شک ہے تجارت بادشاہی کاج ہے
غور کر کے دیکھ لو تاجر کے سر پر تاج ہے
ہند کی تاریخ پڑھ کر ہی سبق حاصل کرو
جو تجارت کرنے آئے تھے اب ان کا راج ہے
زندہ رہ سکتا نہیں ہرگز تجارت کے بغیر
ہم نے یہ مانا کہ یورپ مرکز افواج ہے
ہر دکان اپنی جگہ ہے ایک چھوٹی سلطنت
نفع کہتے ہیں جسے دراصل اس کا باج ہے
جز تجارت قوم کی ملکی سیاست کچھ نہیں
لطف آزادی اسی میں ہے یہی سوراج ہے
زندگی کی رفعتوں سے ہے تجارت ہی مراد
ہاں یہی بام ترقی ہے یہی معراج ہے
مرد تاجر کو خدا کی ذات پر ہے اعتماد
مرد چاکر ہر گھڑی اغیار کا محتاج ہے
جب سے ہم غیروں کے آگے جھک گئے مثل کماں
تب سے اپنا دل ستم کے تیر کا آماج ہے
چل رہی ہیں زور سے بیکاریوں کی آندھیاں
نوجواں کا گلستان زندگی تاراج ہے
یہ ضروری کام کل پر ٹالنا اچھا نہیں
بالیقیں ہم کو تجارت کی ضرورت آج ہے
وائے حسرت کیوں تمہاری عقل پر پتھر پڑے
جس کو تم کنکر سمجھتے ہو وہی پکھراج ہے
پھر خریدو بیاہ کا سامان پہلے جان لو
بس تجارت ہی عروس قومیت کا راج ہے
وہ ہمیشہ قدر کرتے ہیں سودیشی مال کی
قوم کا احساس ہے جن کو وطن کی لاج ہے
خوب موتی رولتے ہیں تاجران با صفا
فیضؔ بازار تجارت قلزم مواج ہے

فیض لدھیانوی

نظم

سجے تو کیسے سجے قتل عام کا میلہ
کسے لبھائے گا میرے لہو کا واویلا
مرے نزار بدن میں لہو ہی کتنا ہے
چراغ ہو کوئی روشن نہ کوئی جام بھرے
نہ اس سے آگ ہی بھڑکے نہ اس سے پیاس بجھے
مرے فگار بدن میں لہو ہی کتنا ہے
مگر وہ زہر ہلاہل بھرا ہے نس نس میں
جسے بھی چھیدو ہر اک بوند قہر افعی ہے
ہر اک کشید ہے صدیوں کے درد و حسرت کی
ہر اک میں مہر بلب غیظ و غم کی گرمی ہے
حذر کرو مرے تن سے یہ سم کا دریا ہے
حذر کرو کہ مرا تن وہ چوب صحرا ہے
جسے جلاؤ تو صحن چمن میں دہکیں گے
بجائے سرو و سمن میری ہڈیوں کے ببول
اسے بکھیرا تو دشت و دمن میں بکھرے گی
بجائے مشک صبا میری جان زار کی دھول
حذر کرو کہ مرا دل لہو کا پیاسا ہے

فیض احمد فیض

نظم

مبدا کرم عام کی ہر جوئے رواں ہے
سر چشمۂ فیض چمن آرائے جہاں ہے

چکبست برج نرائن

نظم

ہم کہ ٹھہرے اجنبی اتنی مداراتوں کے بعد
پھر بنیں گے آشنا کتنی ملاقاتوں کے بعد
کب نظر میں آئے گی بے داغ سبزے کی بہار
خون کے دھبے دھلیں گے کتنی برساتوں کے بعد
تھے بہت بے درد لمحے ختم درد عشق کے
تھیں بہت بے مہر صبحیں مہرباں راتوں کے بعد
دل تو چاہا پر شکست دل نے مہلت ہی نہ دی
کچھ گلے شکوے بھی کر لیتے مناجاتوں کے بعد
ان سے جو کہنے گئے تھے فیضؔ جاں صدقہ کیے
ان کہی ہی رہ گئی وہ بات سب باتوں کے بعد

فیض احمد فیض

نظم

ہاں جو جفا بھی آپ نے کی قاعدے سے کی
ہاں ہم ہی کاربند اصول وفا نہ تھے

فیض احمد فیض

نظم

وہ جس کی دید میں لاکھوں مسرتیں پنہاں
وہ حسن جس کی تمنا میں جنتیں پنہاں
ہزار فتنے تہ پائے ناز خاک نشیں
ہر اک نگاہ خمار شباب سے رنگیں
شباب جس سے تخیل پہ بجلیاں برسیں
وقار جس کی رفاقت کو شوخیاں ترسیں
ادائے لغزش پا پر قیامتیں قرباں
بیاض رخ پہ سحر کی صباحتیں قرباں
سیاہ زلفوں میں وارفتہ نکہتوں کا ہجوم
طویل راتوں کی خوابیدہ راحتوں کا ہجوم
وہ آنکھ جس کے بناؤ پہ خالق اترائے
زبان شعر کو تعریف کرتے شرم آئے
وہ ہونٹ فیض سے جن کے بہار لالہ فروش
بہشت و کوثر و تسنیم و سلسبیل بہ دوش
گداز جسم قبا جس پہ سج کے ناز کرے
دراز قد جسے سرو سہی نماز کرے
غرض وہ حسن جو محتاج وصف و نام نہیں
وہ حسن جس کا تصور بشر کا کام نہیں
کسی زمانے میں اس رہگزر سے گزرا تھا
بصد غرور و تجمل ادھر سے گزرا تھا
اور اب یہ راہگزر بھی ہے دل فریب و حسیں
ہے اس کی خاک میں کیف شراب و شعر مکیں
ہوا میں شوخیٔ رفتار کی ادائیں ہیں
فضا میں نرمیٔ گفتار کی صدائیں ہیں
غرض وہ حسن اب اس رہ کا جزو منظر ہے
نیاز عشق کو اک سجدہ گہ میسر ہے

فیض احمد فیض

نظم

۱
دور جا کر قریب ہو جتنے
ہم سے کب تم قریب تھے اتنے
اب نہ آؤ گے تم نہ جاؤ گے
وصل ہجراں بہم ہوئے کتنے
۲
چاند نکلے کسی جانب تری زیبائی کا
رنگ بدلے کسی صورت شب تنہائی کا
دولت لب سے پھر اے خسرو شیریں دہناں
آج ارزاں ہو کوئی حرف شناسائی کا
گرمئی رشک سے ہر انجمن گل بدناں
تذکرہ چھیڑے تری پیرہن آرائی کا
صحن گلشن میں کبھی اے شہ شمشاد قداں
پھر نظر آئے سلیقہ تری رعنائی کا
ایک بار اور مسیحائے دل دل زدگاں
کوئی وعدہ کوئی اقرار مسیحائی کا
ساز و سامان بہم پہنچا ہے رسوائی کا
۳
کب تک دل کی خیر منائیں کب تک رہ دکھلاؤ گے
کب تک چین کی مہلت دو گے کب تک یاد نہ آؤ گے
بیتا دید امید کا موسم خاک اڑتی ہے آنکھوں میں
کب بھیجو گے درد کا بادل کب برکھا برساؤ گے
عہد وفا یا ترک محبت جو چاہو سو آپ کرو
اپنے بس کی بات ہی کیا ہے ہم سے کیا منواؤ گے
کس نے وصل کا سورج دیکھا کس پر ہجر کی رات ڈھلی
گیسوؤں والے کون تھے کیا تھے ان کو کیا جتلاؤ گے
فیضؔ دلوں کے بھاگ میں ہے گھر بھرنا بھی لٹ جانا بھی
تم اس حسن کے لطف و کرم پر کتنے دن اتراؤ گے

فیض احمد فیض

نظم

روشن کہیں بہار کے امکاں ہوئے تو ہیں
گلشن میں چاک چند گریباں ہوئے تو ہیں
اب بھی خزاں کا راج ہے لیکن کہیں کہیں
گوشے رہ چمن میں غزلخواں ہوئے تو ہیں
ٹھہری ہوئی ہے شب کی سیاہی وہیں مگر
کچ کچھ سحر کے رنگ پرافشاں ہوئے تو ہیں
ان میں لہو جلا ہو ہمارا کہ جان و دل
محفل میں کچھ چراغ فروزاں ہوئے تو ہیں
ہاں کج کرو کلاہ کہ سب کچھ لٹا کے ہم
اب بے نیاز گردش دوراں ہوئے تو ہیں
اہل قفس کی صبح چمن میں کھلے گی آنکھ
باد صبا سے وعدہ و پیماں ہوئے تو ہیں
ہے دشت اب بھی دشت مگر خون پا سے فیضؔ
سیراب چند خار مغیلاں ہوئے تو ہیں

فیض احمد فیض

نظم

رہا نہ کچھ بھی زمانے میں جب نظر کو پسند
تری نظر سے کیا رشتۂ نظر پیوند

فیض احمد فیض

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے