کی تلاش کا نتیجه | موضو - نظم, صفحہ khauf-e-khud

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "khauf-e-khud"

نظم کے متعلقہ نتیجہ "khauf-e-khud"

نظم

کچھ اس طرح سے بڑھا دل میں ذوق آزادی
کہ رفتہ رفتہ تمنا جوان ہوتی گئی
کچھ اس طرح سے اٹھی ہر طرف سے وہ آندھی
جو اٹھتے اٹھتے خود اک آسمان ہوتی گئی

سیدہ شانِ معراج

نظم

مجھے تیرے تصور سے خوشی محسوس ہوتی ہے
دل مردہ میں بھی کچھ زندگی محسوس ہوتی ہے
یہ تاروں کی چمک میں ہے نہ پھولوں ہی کی خوشبو میں
تری تصویر میں جو دل کشی محسوس ہوتی ہے
تجھے میں آج تک مصروف درس و وعظ پاتا ہوں
تری ہستی مکمل آگہی محسوس ہوتی ہے
یہ کیا ممکن نہیں تو آ کے خود اب اس کا درماں کر
فضائے دہر میں کچھ برہمی محسوس ہوتی ہے
اجالا سا اجالا ہے تری شمع ہدایت کا
شب تیرہ میں بھی اک روشنی محسوس ہوتی ہے
میں آؤں بھی تو کیا منہ لے کے آؤں سامنے تیرے
خود اپنے آپ سے شرمندگی محسوس ہوتی ہے
تخیل میں ترے نزدیک جب میں خود کو پاتا ہوں
مجھے اس وقت اک طرفہ خوشی محسوس ہوتی ہے
تو ہی جانے کہاں لے آئی مجھ کو آرزو تیری
یہ منزل اب سراپا بے خودی محسوس ہوتی ہے
کنولؔ جس وقت کھو جاتا ہوں میں اس کے تصور میں
مجھے تو زندگی ہی زندگی محسوس ہوتی ہے

کنول ایم۔اے

نظم

سب مال نکالو، لے آؤ
اے بستی والو لے آؤ
یہ تن کا جھوٹا جادو بھی
یہ من کی جھوٹی خوشبو بھی
یہ تال بناتے آنسو بھی
یہ جال بچھاتے گیسو بھی
یہ لرزش ڈولتے سینے کی
پر سچ نہیں بولتے سینے کی
یہ ہونٹ بھی، ہم سے کیا چوری
کیا سچ مچ جھوٹے ہیں گوری؟
ان رمزوں میں ان گھاتوں میں
ان وعدوں میں ان باتوں میں
کچھ کھوٹ حقیقت کا تو نہیں؟
کچھ میل صداقت کا تو نہیں؟
یہ سارے دھوکے لے آؤ
یہ پیارے دھوکے لے آؤ
کیوں رکھو خود سے دور ہمیں
جو دام کہو منظور ہمیں

ابن انشا

نظم

چھوٹی سی بلو
چھوٹا سا بستہ
ٹھونسا ہے جس میں
کاغذ کا دستہ
لکڑی کا گھوڑا
روئی کا بھالو
چورن کی شیشی
آلو کچالو
بلو کا بستہ
جن کی پٹاری
جب اس کو دیکھو
پہلے سے بھاری
لٹو بھی اس میں
رسی بھی اس میں
ڈنڈا بھی اس میں
گلی بھی اس میں
اے پیاری بلو
یہ تو بتاؤ
کیا کام کرنے
اسکول جاؤ
اردو نہ جانو
انگلش نہ جانو
کہتی ہو خود کو
بلقیس بانو
عمر کی اتنی
کچی نہیں ہو
چھ سال کی ہو
بچی نہیں ہو
باہر نکالو
لکڑی کا گھوڑا
یہ لٹو رسی
یہ گلی ڈنڈا
گڑیا کے جوتے
جمپر جرابیں
بستے میں رکھو
اپنی کتابیں
منہ نہ بناؤ
اسکول جاؤ
اے پیاری بلو
اے پیاری بلو

ابن انشا

نظم

چپکے سے کانوں میں کہہ جا
خوشیوں کا سندیس سنا جا
پریم تو اپنی ڈگر بتا جا
کیا تو جوگن بن بیٹھی
دور کہیں مایا سے چھپ کر
تو بن گئی انوکھی
دیکھ ری تیرے سوگ میں کیسا حال کیا ہم نے اپنا
دکھ کے کنکر پتھر چنتے کومل ہاتھ ہیں پتھرائے
جیون کے رستے پر بکھرے کانٹے سو سو ڈنک اٹھائے
نفرت کی آندھی سے دھندلے پڑ گئے چندا تارے
گھر آئی ہے چاروں اور
دیکھ گھٹا گھنگھور
آنکھوں سے اوجھل ہے امبر
پاپ کا جھونکا چلے بھینکر
ہلچل مچ گئی باہر اندر
چاروں اور بگولے اڑتے ادھر ادھر بولائے
جیسے ان کو کھوج کسی کی
سر ٹکراتے سر کو اٹھائے سر کو جھکائے
سر کے بل کچھ پھرتے ہیں
سب کو کھوج ہے تیری
پریم کہاں تو چھپ کر بیٹھی
ہم سے کیوں ہے روٹھی
آ دیکھ کہ تیرے نہ ہونے سے
کیا کیا دکھ ہم نے جھیلے
پریم پجاری جتنے تھے سب بن گئے اتیاچاری
خود ہی اتیاچار کرے ہے
بن بیٹھے بے چارے
اپنے اتیاچار کو بھوگے
کیسے کھیل نرالے
لیکن ان کے من میں کیسی جوالا جاگ اٹھی ہے
اب تو تیری ہی ان کو بس انتم آس لگی ہے
اے جوگن
کیا تو بھی ڈھونڈھے کوئی پریم پجاری
اس کی کھوج میں بن گئی ہے تو بالکل ہی بن باسی
من میں جھانک کے دیکھ لے سب کے
تیری چاہ بسی ہے
دوری تیری بھڑکائے ہے اب تو من میں ڈاہ
اور ہمارے ہونٹوں کا ہر شبد بنا ہے آہ

رخسانہ نکہت لاری ام ہانی

نظم

نشاط انگیز راتوں اور خوابوں کے شفق آلود چہرے کو
جھلستے دن کی خیرہ کن فضا میں
ایک عمر رائگاں کے آئنے میں محو ہو کر کب نہیں دیکھا
برس گزرے رتیں بیتی وطن سے بے وطن ہونے کی ساری بے بسی جھیلی
میں برفانی علاقوں مرغزاروں وادیوں اور ریگزاروں سے
نشان کارواں چنتا صدائے رفتگاں سنتا ہوا گزرا
کہاں ممکن تھا لیکن میں نے جو دیکھا سنا وہ یاد رکھا عجب یہ ہے
نہیں گر حافظے میں کچھ تو وہ اک نام ہے تیرا
خبر کب تھی کہ بہتی عمر کی سرکش روانی میں
مجھے جو یاد رہنا چاہیئے تھا
میں وہی اک نام بھولوں گا
پرندوں اور پیڑوں سے جہاں بھی گفتگو ہوگی
تمہارا ذکر آتے ہی دھندلکے
ذہن میں اک موجۂ تاریک بن کر پھیلتے جائیں گے
اور یہ حافظہ مفلوج آنکھوں سے مجھے
گھورے گا چلائے گا
خوف خود فراموشی سے تم ڈرتے تھے لیکن اب
مآل خود فراموشی سے تم کیسے نبھاؤ گے
غبار اندر غبار انگڑائیاں لیتے ہوئے
رستے میں جو کچھ کھو چکے ہو اس کو کیسے ڈھونڈ پاؤ گے
یہ لازم تو نہیں ہے، ایک ان بوجھی پہیلی جب اچانک یاد آ جائے
اسے ہر حال میں ہر بار بوجھو گے
تم اپنے آپ سے کب تک کسی کا نام پوچھو گے

جمیل الرحمن

نظم

دل ہے پہلو میں تو پیدا شیوۂ ترکانہ کر
جور ہفت افلاک کے ہوتے رہیں پروا نہ کر
غم کو خود آکر بہا جائے گی موج سرور
دیکھتا کیا ہے اٹھ اور فکر مے و پیمانہ کر
دعویٔ الفت جتا کر مفت میں رسوا نہ ہو
دار پر چڑھنے سے پہلے راز عشق افشا نہ کر
ظرف نیساں چاہتی ہے قلزم آشامی تری
برگ گل کی طرح شبنم کے لئے ترسا نہ کر
کام ابراہیمیوں کا ہے کہ کھیلیں آگ سے
کود پڑ شعلوں میں خوف انجام کا اصلا نہ کر
لے کے نام اللہ کا طوفاں میں کشتی ڈال دے
خوف بے پایانیٔ دریائے موج افزا نہ کر
خود عمل تیرا ہے صورت گر تری تقدیر کا
شکوہ کرنا ہو تو اپنا کر مقدر کا نہ کر
سایۂ شمشیر میں پوشیدہ جنت ہے مگر
ناکسوں کے سامنے اس بھید کا چرچا نہ کر

ظفر علی خاں

نظم

لفظ زنجیر ہوا
خوف درباں ہے تذبذب زنداں

ضیا جالندھری

نظم

خوف تباہی مٹ جائے گا
امن کا پرچم لہرائے گا

بیدل حیدری

نظم

یاں جنس تغیر سستی ہے
یاں خوف بلند و پستی ہے
فطرت بھی رہین ہستی ہے
یہ وہم و گماں کی بستی ہے
جس دیس میں آنی راج نہیں
اس دیس میں چل سنسار کریں

بشیرالنساء بیگم بشیر

نظم

لاہوری آبائی مکان میں
صرف چچا سلطان اکیلے رہتے تھے
جن کی گھنی نورانی داڑھی
خوف خدا سے ہلتی رہتی تھی

ساقی فاروقی

نظم

نوجوانی میں کھل کے ہنسنے پر
خوف رسوائی ساتھ رہتا ہے

عشرت آفریں

نظم

نئے شعور کی ہے روشنی نگاہوں میں
اک آگ سی بھی ہے اب اپنی سرد آہوں میں
کھلیں گے پھول نظر کے سحر کی بانہوں میں
دکھے دلوں کو اسی آس کا سہارا ہے
خدا تمہارا نہیں ہے خدا ہمارا ہے
اسے زمین پہ یہ ظلم کب گوارا ہے
طلسم سایۂ خوف و ہراس توڑیں گے
قدم بڑھائیں گے زنجیر یاس توڑیں گے
کبھی کسی کے نہ ہم دل کی آس توڑیں گے
رہے گا یاد جو عہد ستم گزارا ہے
اسے زمین پہ یہ ظلم کب گوارا ہے

حبیب جالب

نظم

اب میں کیسے رہوں بے خوف و خطر
سامنے لاکھوں دکھ کھڑے ہیں ستر

نور این ساحر

نظم

زاہد خشک رہا خوف گنہ سے لیکن
اب محبت کا گنہ گار بنانے آ جا

جے کرشن چودھری حبیب

نظم

زیاں ہم نفس ہے
قفس ہے سڑک ہے سڑک ہے قفس ہے
قفس میں قطاروں کی لمبی فصیلیں
فصیلوں کے خوف جنوں خیز میں اب
مسافت طوالت پکڑنے لگی یوں
سڑک بن گئی ایک دلدل
مرے دست و پا شل

سلمان ثروت

نظم

وہ لمحے کتنے دل کش تھے
وہ گھڑیاں کتنی پیاری تھیں
جگ جگ کی دو پیاسی روحیں
بے خوف و خطر انجان ملیں

سمیع سلطانپوری

نظم

ہو گئی بے سود تلقین ثواب
اب دلائیں بھی تو کیا خوف عذاب
اب حریف شیخ کوئی بھی نہیں
ختم ہے ہر ایک موضوع خطاب

گوپال متل

نظم

مرے دل میں خوف جہاں بھی ہے
ہے یقین کچھ تو گماں بھی ہے
ابھی طرز نو سے ہوں بے خبر
مرے ساتھ چل مرے ساتھ چل

سلمیٰ حجاب

نظم

کوئی صحرائے درد و کرب ہوں میں
خوف و خدشات کے جہنم میں
کتنی صدیوں سے جل رہا ہوں میں

مسلم شمیم

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے