Ahbaab Shayari

ahbāb ko de rahā huuñ dhokā

chehre pe ḳhushī sajā rahā huuñ

ahbab ko de raha hun dhoka

chehre pe KHushi saja raha hun

Qateel Shifai

aaḌe aayā na koī mushkil meñ

mashvare de ke haT ga.e ahbāb

aaDe aaya na koi mushkil mein

mashware de ke haT gae ahbab

Josh Malihabadi

is vahm se ki niiñd meñ aa.e na kuchh ḳhalal

ahbāb zer-e-ḳhāk sulā kar chale ga.e

is wahm se ki nind mein aae na kuchh KHalal

ahbab zer-e-KHak sula kar chale gae

Josh Malsiani

ahbāb mujh se qat-e-ta.alluq kareñ 'jigar'

ab āftāb-e-zīst lab-e-bām aa gayā

ahbab mujh se qat-e-talluq karen 'jigar'

ab aaftab-e-zist lab-e-baam aa gaya

Jigar Moradabadi

shaġhl-e-ulfat ko jo ahbāb burā kahte haiñ

kuchh samajh meñ nahīñ aatā ki ye kyā kahte haiñ

shaghl-e-ulfat ko jo ahbab bura kahte hain

kuchh samajh mein nahin aata ki ye kya kahte hain

Meer Mehdi Majrooh

ġham musalsal ho to ahbāb bichhaḌ jaate haiñ

ab na koī dil-e-tanhā ke qarīñ aa.egā

gham musalsal ho to ahbab bichhaD jate hain

ab na koi dil-e-tanha ke qarin aaega

Salam Machhli shahri

hijr-e-jānāñ ke alam meñ ham farishte ban ga.e

dhyān muddat se chhuTā āb-o-ta.ām-o-ḳhvāb

hijr-e-jaanan ke alam mein hum farishte ban gae

dhyan muddat se chhuTa aab-o-taam-o-KHwab ka

Muneer Shikohabadi

Related Tags