adā-e-ishq huuñ puurī anā ke saath huuñ maiñ

ḳhud apne saath huuñ ya.anī ḳhudā ke saath huuñ maiñ

ada-e-ishq hun puri ana ke sath hun main

KHud apne sath hun yani KHuda ke sath hun main

baat bhī kījiye dekh bhī lījiye

dekh bhī lījiye baat bhī kījiye

baat bhi kijiye dekh bhi lijiye

dekh bhi lijiye baat bhi kijiye

asr ke vaqt mere paas na baiTh

mujh pe ik sāñvlī kā saaya hai

asr ke waqt mere pas na baiTh

mujh pe ek sanwli ka saya hai

sukūt-e-shām kā hissa tū mat banā mujh ko

maiñ rañg huuñ so kisī mauj meñ milā mujh ko

sukut-e-sham ka hissa tu mat bana mujh ko

main rang hun so kisi mauj mein mila mujh ko

maiñ paañv dho ke piyūñ yaar ban ke jo aa.e

munāfiqoñ ko to maiñ muñh lagāne vaalā nahīñ

main panw dho ke piyun yar ban ke jo aae

munafiqon ko to main munh lagane wala nahin

kyā hai jo mujhe hukm nahīñ mānñe aate

dīvāna to hotā hī baġhāvat ke liye hai

kya hai jo mujhe hukm nahin manne aate

diwana to hota hi baghawat ke liye hai

laḌne ke liye hai na nasīhat ke liye hai

jis 'umr meñ tum ho vo mohabbat ke liye hai

laDne ke liye hai na nasihat ke liye hai

jis 'umr mein tum ho wo mohabbat ke liye hai

Dare huoñ ne tumheñ bhī Darā diyā varna

ḳhudā to pyaar sikhātā hai kuchh nahīñ kahtā

Dare huon ne tumhein bhi Dara diya warna

KHuda to pyar sikhata hai kuchh nahin kahta

vā'iz maiñ koī chor huuñ jo tujh se dabūñgā

muñh toḌ ke rakh dūñgā agar talḳh huā tū

wa'iz main koi chor hun jo tujh se dabunga

munh toD ke rakh dunga agar talKH hua tu