ye duniyā nafratoñ ke āḳhrī stage pe hai

ilaaj is kā mohabbat ke sivā kuchh bhī nahīñ hai

ye duniya nafraton ke aaKHri stage pe hai

ilaj is ka mohabbat ke siwa kuchh bhi nahin hai

koī bastī meñ bashar jaisā nazar aatā nahīñ

saḳht uljhan meñ haiñ vīrāne kise āvāz deñ

koi basti mein bashar jaisa nazar aata nahin

saKHt uljhan mein hain virane kise aawaz den

dange meñ to halāk hue be-shumār log

kal kis tarah chhapegī ḳhabar dekhnā ye hai

dange mein to halak hue be-shumar log

kal kis tarah chhapegi KHabar dekhna ye hai

agar zinda hī rahnā hai to rahiye apnī shartoñ par

ki ḳhuddārī se ḳhālī log sau sau baar marte haiñ

agar zinda hi rahna hai to rahiye apni sharton par

ki KHuddari se KHali log sau sau bar marte hain

hoñToñ pe khil rahe haiñ sadāqat ke chand phuul

neze pe kab buland ho sar dekhnā ye hai

honTon pe khil rahe hain sadaqat ke chand phul

neze pe kab buland ho sar dekhna ye hai

duur tak ummīd kī koī kiran baaqī nahīñ

ho chuke apne bhī begāne kise āvāz deñ

dur tak ummid ki koi kiran baqi nahin

ho chuke apne bhi begane kise aawaz den