ājizī aaj hai mumkin hai na ho kal mujh meñ

is tarah aib nikālo na musalsal mujh meñ

aajizi aaj hai mumkin hai na ho kal mujh mein

is tarah aib nikalo na musalsal mujh mein

fazā ye amn-o-amāñ kī sadā rakheñ qaa.em

suno ye farz tumhārā bhī hai hamārā bhī

faza ye amn-o-aman ki sada rakhen qaem

suno ye farz tumhaara bhi hai hamara bhi

aaj is andāz se tum ne mujhe āvāz dī

yak-ba-yak mujh meñ ḳhayāl aaya ki haañ maiñ bhī to huuñ

aaj is andaz se tum ne mujhe aawaz di

yak-ba-yak mujh mein KHayal aaya ki han main bhi to hun

aap shāyad bhuul baiThe haiñ yahāñ maiñ bhī to huuñ

is zamīñ aur āsmāñ ke darmiyāñ maiñ bhī to huuñ

aap shayad bhul baiThe hain yahan main bhi to hun

is zamin aur aasman ke darmiyan main bhi to hun

ret par jagmagā uThe taare

āsmāñ TuuT kar girā thā kyā

ret par jagmaga uThe tare

aasman TuT kar gira tha kya

bulandī par maiñ jab pahuñchūñgī 'nusrat'

mire dushman mire ahbāb hoñge

bulandi par main jab pahunchungi 'nusrat'

mere dushman mere ahbab honge

maiñ zindagī kī kitāb meñ ik fasāna-e-be-asar nahīñ thī

varaq ko jaldī ulaT ga.e tum maiñ qissa-e-muḳhtasar nahīñ thī

main zindagi ki kitab mein ek fasana-e-be-asar nahin thi

waraq ko jaldi ulaT gae tum main qissa-e-muKHtasar nahin thi