ab aadmī kuchh aur hamārī nazar meñ hai

jab se sunā hai yaar libās-e-bashar meñ hai

ab aadmi kuchh aur hamari nazar mein hai

jab se suna hai yar libas-e-bashar mein hai

ai junūñ kyuuñ liye jaatā hai bayābāñ meñ mujhe

jab tujhe aatā hai ghar ko mire sahrā karnā

ai junun kyun liye jata hai bayaban mein mujhe

jab tujhe aata hai ghar ko mere sahra karna

mire nāshād rahne se agar tujh ko masarrat hai

to maiñ nāshād hī achchhā mujhe nāshād rahne de

mere nashad rahne se agar tujh ko masarrat hai

to main nashad hi achchha mujhe nashad rahne de

tum jo chāho to mire dard kā darmāñ ho jaa.e

varna mushkil hai ki mushkil mirī āsāñ ho jaa.e

tum jo chaho to mere dard ka darman ho jae

warna mushkil hai ki mushkil meri aasan ho jae

vo qulqul-e-mīnā meñ charche mirī tauba ke

aur shīsha-o-sāġhar kī mai-ḳhāne meñ sargoshī

wo qulqul-e-mina mein charche meri tauba ke

aur shisha-o-saghar ki mai-KHane mein sargoshi