Today's top 5 Urdu Shayari

kashtī-e-mai ko hukm-e-ravānī bhī bhej do

jab aag bhej dī hai to paanī bhī bhej do

kashti-e-mai ko hukm-e-rawani bhi bhej do

jab aag bhej di hai to pani bhi bhej do

hue mar ke ham jo rusvā hue kyuuñ na ġharq-e-dariyā

na kabhī janāza uThtā na kahīñ mazār hotā

hue mar ke hum jo ruswa hue kyun na gharq-e-dariya

na kabhi janaza uThta na kahin mazar hota

khaḌā huuñ aaj bhī roTī ke chaar harf liye

savāl ye hai kitāboñ ne kyā diyā mujh ko

khaDa hun aaj bhi roTi ke chaar harf liye

sawal ye hai kitabon ne kya diya mujh ko

fikr-e-ma.āsh ishq-e-butāñ yād-e-raftagāñ

is zindagī meñ ab koī kyā kyā kiyā kare

fikr-e-maash ishq-e-butan yaad-e-raftagan

is zindagi mein ab koi kya kya kiya kare

na.ī duniyā ke hañgāmoñ meñ 'nāsir'

dabī jaatī haiñ āvāzeñ purānī

nai duniya ke hangamon mein 'nasir'

dabi jati hain aawazen purani