Today's top 5 Urdu Shayari

kashtī-e-mai ko hukm-e-ravānī bhī bhej do

jab aag bhej dī hai to paanī bhī bhej do

kashti-e-mai ko hukm-e-rawani bhi bhej do

jab aag bhej di hai to pani bhi bhej do

koī pāband-e-mohabbat hī batā saktā hai

ek dīvāne kā zanjīr se rishta kyā hai

koi paband-e-mohabbat hi bata sakta hai

ek diwane ka zanjir se rishta kya hai

is ālam-e-vīrāñ meñ kyā anjuman-ārā.ī

do roz kī mahfil hai ik umr kī tanhā.ī

is aalam-e-viran mein kya anjuman-arai

do roz ki mahfil hai ek umr ki tanhai

kah rahā hai shor-e-dariyā se samundar kā sukūt

jis kā jitnā zarf hai utnā hī vo ḳhāmosh hai

kah raha hai shor-e-dariya se samundar ka sukut

jis ka jitna zarf hai utna hi wo KHamosh hai

jaane kyuuñ log mirā naam paḌhā karte haiñ

maiñ ne chehre pe tire yuuñ to likhā kuchh bhī nahīñ

jaane kyun log mera nam paDha karte hain

main ne chehre pe tere yun to likha kuchh bhi nahin