Today's top 5 Urdu Shayari

phūTne vaalī hai mazdūr ke māthe se kiran

surḳh parcham ufuq-e-sub.h pe lahrāte haiñ

phuTne wali hai mazdur ke mathe se kiran

surKH parcham ufuq-e-subh pe lahraate hain

le ke tesha uThā hai phir mazdūr

Dhal rahe haiñ jabal mashīnoñ meñ

le ke tesha uTha hai phir mazdur

Dhal rahe hain jabal mashinon mein

hone do charāġhāñ mahloñ meñ kyā ham ko agar dīvālī hai

mazdūr haiñ ham mazdūr haiñ ham mazdūr kī duniyā kaalī hai

hone do charaghan mahlon mein kya hum ko agar diwali hai

mazdur hain hum mazdur hain hum mazdur ki duniya kali hai

so jaate haiñ fōtpath pe aḳhbār bichhā kar

mazdūr kabhī niiñd kī golī nahīñ khāte

so jate hain footpath pe aKHbar bichha kar

mazdur kabhi nind ki goli nahin khate

logoñ ne ārām kiyā aur chhuTTī puurī kī

yakum may ko bhī mazdūroñ ne mazdūrī kī

logon ne aaram kiya aur chhuTTi puri ki

yakum may ko bhi mazduron ne mazduri ki