Today's top 5 Urdu Shayari

kashtī-e-mai ko hukm-e-ravānī bhī bhej do

jab aag bhej dī hai to paanī bhī bhej do

kashti-e-mai ko hukm-e-rawani bhi bhej do

jab aag bhej di hai to pani bhi bhej do

rone vaale tujhe rone kā salīqa hī nahīñ

ashk piine ke liye haiñ ki bahāne ke liye

rone wale tujhe rone ka saliqa hi nahin

ashk pine ke liye hain ki bahane ke liye

mohabbat ke liye kuchh ḳhaas dil maḳhsūs hote haiñ

ye vo naġhma hai jo har saaz par gaayā nahīñ jaatā

mohabbat ke liye kuchh KHas dil maKHsus hote hain

ye wo naghma hai jo har saz par gaya nahin jata

uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

ye dasht vo hai jahāñ rāsta nahīñ miltā

abhī se lauT chalo ghar abhī ujālā hai

ye dasht wo hai jahan rasta nahin milta

abhi se lauT chalo ghar abhi ujala hai