Today's top 5 Urdu Shayari

qadam mai-ḳhāna meñ rakhnā bhī kār-e-puḳhta-kārāñ hai

jo paimāna uThāte haiñ vo tharrāyā nahīñ karte

qadam mai-KHana mein rakhna bhi kar-e-puKHta-karan hai

jo paimana uThate hain wo tharraya nahin karte

is sādgī pe kaun na mar jaa.e ai ḳhudā

laḌte haiñ aur haath meñ talvār bhī nahīñ

is sadgi pe kaun na mar jae ai KHuda

laDte hain aur hath mein talwar bhi nahin

milne kī tarah mujh se vo pal bhar nahīñ miltā

dil us se milā jis se muqaddar nahīñ miltā

milne ki tarah mujh se wo pal bhar nahin milta

dil us se mila jis se muqaddar nahin milta

'shād' ġhair-mumkin hai shikva-e-butāñ mujh se

maiñ ne jis se ulfat kī us ko bā-vafā paayā

'shad' ghair-mumkin hai shikwa-e-butan mujh se

main ne jis se ulfat ki us ko ba-wafa paya

siyah-baḳhtī meñ kab koī kisī kā saath detā hai

ki tārīkī meñ saayā bhī judā rahtā hai insāñ se

siyah-baKHti mein kab koi kisi ka sath deta hai

ki tariki mein saya bhi juda rahta hai insan se