ٹاپ 5 اردو شاعری| ریختہ

کیوں پرکھتے ہو سوالوں سے جوابوں کو عدیمؔ

ہونٹ اچھے ہوں تو سمجھو کہ سوال اچھا ہے

عدیم ہاشمی

ملنے کی طرح مجھ سے وہ پل بھر نہیں ملتا

دل اس سے ملا جس سے مقدر نہیں ملتا

نصیر ترابی

اک بار اس نے مجھ کو دیکھا تھا مسکرا کر

اتنی تو ہے حقیقت باقی کہانیاں ہیں

میلہ رام وفاؔ

رنگ خوشبو اور موسم کا بہانا ہو گیا

اپنی ہی تصویر میں چہرہ پرانا ہو گیا

خالد غنی

یہ کیا طلسم ہے کیوں رات بھر سسکتا ہوں

وہ کون ہے جو دیوں میں جلا رہا ہے مجھے

ساقی فاروقی

آج کے منتخب ۵ شعر