Today's top 5 Urdu Shayari

un se iz.hār-e-mohabbat jo koī kartā hai

duur se us ko dikhā dete haiñ turbat merī

un se izhaar-e-mohabbat jo koi karta hai

dur se us ko dikha dete hain turbat meri

shab-e-visāl hai gul kar do in charāġhoñ ko

ḳhushī kī bazm meñ kyā kaam jalne vāloñ kā

shab-e-visal hai gul kar do in charaghon ko

KHushi ki bazm mein kya kaam jalne walon ka

vahī āñkhoñ meñ aur āñkhoñ se poshīda bhī rahtā hai

mirī yādoñ meñ ik bhūlā huā chehrā bhī rahtā hai

wahi aankhon mein aur aankhon se poshida bhi rahta hai

meri yaadon mein ek bhula hua chehra bhi rahta hai

sūraj huuñ zindagī kī ramaq chhoḌ jā.ūñgā

maiñ Duub bhī gayā to shafaq chhoḌ jā.ūñgā

suraj hun zindagi ki ramaq chhoD jaunga

main Dub bhi gaya to shafaq chhoD jaunga

aaj bhī shāyad koī phūloñ kā tohfa bhej de

titliyāñ mañDlā rahī haiñ kāñch ke gul-dān par

aaj bhi shayad koi phulon ka tohfa bhej de

titliyan manDla rahi hain kanch ke gul-dan par