Today's top 5 Urdu Shayari

'bāqī' jo chup rahoge to uTTheñgī uñgliyāñ

hai bolnā bhī rasm-e-jahāñ bolte raho

'baqi' jo chup rahoge to uTThengi ungliyan

hai bolna bhi rasm-e-jahan bolte raho

tire va.adoñ pe kahāñ tak mirā dil fareb khaa.e

koī aisā kar bahāna mirī aas TuuT jaa.e

tere wadon pe kahan tak mera dil fareb khae

koi aisa kar bahana meri aas TuT jae

dostī jab kisī se kī jaa.e

dushmanoñ kī bhī raa.e lī jaa.e

dosti jab kisi se ki jae

dushmanon ki bhi rae li jae

kis ko mehrbāñ kahiye kaun mehrbāñ apnā

vaqt kī ye bāteñ haiñ vaqt ab kahāñ apnā

kis ko mehrban kahiye kaun mehrban apna

waqt ki ye baaten hain waqt ab kahan apna

dhokā thā nigāhoñ kā magar ḳhuub thā dhokā

mujh ko tirī nazroñ meñ mohabbat nazar aa.ī

dhoka tha nigahon ka magar KHub tha dhoka

mujh ko teri nazron mein mohabbat nazar aai