Today's top 5 Urdu Shayari

pahle sharāb ziist thī ab ziist hai sharāb

koī pilā rahā hai piye jā rahā huuñ maiñ

pahle sharab zist thi ab zist hai sharab

koi pila raha hai piye ja raha hun main

maiñ thā jab kārvāñ ke saath to gulzār thī duniyā

magar tanhā huā to har taraf sahrā hī sahrā thā

main tha jab karwan ke sath to gulzar thi duniya

magar tanha hua to har taraf sahra hi sahra tha

jaltā hai ab talak tirī zulfoñ ke rashk se

har-chand ho gayā hai chaman kā charāġh gul

jalta hai ab talak teri zulfon ke rashk se

har-chand ho gaya hai chaman ka charagh gul

dil meñ jo mohabbat kī raushnī nahīñ hotī

itnī ḳhūbsūrat ye zindagī nahīñ hotī

dil mein jo mohabbat ki raushni nahin hoti

itni KHubsurat ye zindagi nahin hoti

ham tum meñ kal duurī bhī ho saktī hai

vaj.h koī majbūrī bhī ho saktī hai

hum tum mein kal duri bhi ho sakti hai

wajh koi majburi bhi ho sakti hai