Top 5 Urdu Poetry

jāntā huuñ ek aise shaḳhs ko maiñ bhī 'munīr'

ġham se patthar ho gayā lekin kabhī royā nahīñ

jaanta hun ek aise shaKHs ko main bhi 'munir'

gham se patthar ho gaya lekin kabhi roya nahin

Muneer Niyazi

bachchoñ ke chhoTe hāthoñ ko chāñd sitāre chhūne do

chaar kitābeñ paḌh kar ye bhī ham jaise ho jā.eñge

let the hands of innocents reach out for stars and moon

with education they'd become like us so very soon

bachchon ke chhoTe hathon ko chand sitare chhune do

chaar kitaben paDh kar ye bhi hum jaise ho jaenge

let the hands of innocents reach out for stars and moon

with education they'd become like us so very soon

Nida Fazli

dar-ba-dar Thokareñ khā.īñ to ye mālūm huā

ghar kise kahte haiñ kyā chiiz hai be-ghar honā

dar-ba-dar Thokaren khain to ye malum hua

ghar kise kahte hain kya chiz hai be-ghar hona

Saleem Ahmed

aziiz itnā hī rakkho ki jī sambhal jaa.e

ab is qadar bhī na chāho ki dam nikal jaa.e

aziz itna hi rakkho ki ji sambhal jae

ab is qadar bhi na chaho ki dam nikal jae

Obaidullah Aleem

chalne kā hausla nahīñ ruknā muhāl kar diyā

ishq ke is safar ne to mujh ko niDhāl kar diyā

chalne ka hausla nahin rukna muhaal kar diya

ishq ke is safar ne to mujh ko niDhaal kar diya

Parveen Shakir

Today's top 5 Urdu Shayari